BIBLIAMANTA TAPUKUYKUNA
¿Imaraykun ‘gobiernoyki hamuchun’ nispa mañakunanchis?
¿Yachayta munawaqchu Diospa gobiernonmanta imachus ruwananmantapas?
Diospa gobiernonqa hanaq pachapin kashan. Chay gobiernollan chanin kawsayta thak kawsaytapas apamunqa. Chaymi Jesús qatikuqninkunata nirqan chay gobiernota mañakunankupaq. Diospa gobiernollanmi tukuchinqa millay kawsayta onqoykunatapas. Diosmi churin Jesucristota huk cristianokunatapas akllarqan chay gobiernopi kamachikunankupaq (leey Lucas 11:2; 22:28-30).
Pisi tiempollamantan chay gobierno Diospa enemigonkunata wañuchipunqa. Chaymi Diospa gobiernonta mañakuspaqa kay pacha gobiernokunaq rantinpi kamachikunanta mañakushanchis (leey Daniel 7:13, 14; Apocalipsis 11:15, 18).
¿Imanaqtinmi Diospa gobiernon allinpuni kanqa?
Jesusqa anchatan runakunata khuyapayarqan, chaymi rikuchin allin rey kasqanta. Diospa churin kasqanraykun payqa ancha atiyniyoq, chaymi Diospa yanapayninta mañakuqkunata yanapanqa (leey Salmo 72:8, 12-14).
Sichus Diospa kamachisqanman hina kawsasun, tukuy sonqowantaq mañakusun Diospa gobiernon hamunanta chayqa, askha bendicionkunatan chaskisun. Chay hinaqa Diospa gobiernonmanta astawan yachay. Chay ruwasqaykimantaqa manan hayk’aqpas pesapakunkichu (leey Lucas 18:16, 17; Juan 4:23).