BIBLIAMANTA TAPUKUYKUNA
¿Jesús wañusqakunata kawsarichirqanpunichu?
Jesusqa tawa p’unchayña wañupuq amigon Lazarotan kawsarichirqan
Biblian willan Jesús wañuqkunata kawsarichisqanta. Ichaqa, ¿imaynapin yachanchis cheqaqpuni kasqanta? Ima watapi may llaqtakunapi kawsarichisqanmanta willasqanmi rikuchin cheqaq kasqanta. Hukninmanta yachasun. 31 watapin Jesús qatikuqninkunawan Capernaúm llaqtamanta Naín llaqtaman risharqan. Chaypin payqa askha runawan tuparqan, paykunan wañupuq waynata p’ampaq apasharqanku. Hinan Jesusqa chay waynata kawsarichirqan. Chay ruwasqantaqa askha runakunan rikurqanku (leey Lucas 7:11-15).
Qhepamanmi Jesusqa tawa p’unchayña wañupuq amigon Lazarato kawsarichillarqantaq. ¿Imaynapi yachanchis Lazarota kawsarichisqan cheqaqpuni kasqanta? Chay kutipipas askha runakunan rikurqanku Lazaroq kawsarimpusqanta (leey Juan 11:39-45).
¿Imaraykun kawsarichirqan?
Runakunata khuyapayasqanraykun. Hinaspapas chay ruwasqanwanmi Jesusqa rikuchirqan, wañuqkunata kawsarichinanpaq hanaq pacha Taytanmanta atiy chaskisqanta (leey Juan 5:21, 28, 29).
Chay hinatan hamuq tiempopipas waranqa-waranqanpi runakuna, Diosta mana reqsiq runakunapas kawsarichisqa kanqaku. Hinan Diosta reqsispa payta munakunqaku. Wañusqakunata Jesuspa kawsarichisqanmi rikuchin Diospa promesankuna hunt’akunanta (leey Hechos 24:15).