BIBLIAMANTA TAPUKUYKUNA

¿Imapaqmi kawsanchis?

Yaqapaschá kayta tapukurqanki: “¿Runakunaqa pukllanapaq, llank’anapaq, casarakunapaq, wawakunayoq kanapaq hinaspa machuyananchispaqchu kawsanchis?”, nispa (Job 14:1, 2). Bibliaq nisqan hina yachaysapa runakunapas chayta tapukurqanku (leey Eclesiastés 2:11).

Imapaq kawsasqanchista yachanapaqmi ñawpaqta yachananchis imaynatan kawsay qallarisqanta. Ñosqhonchis, cuerponchispas imayna ruwasqa kasqanta yachaspan askha runakuna ninku: “Allin yachayniyoqmá khaynataqa ruwawanchis”, nispa (leey Salmo 139:14). Chhayna kaqtinqa Diosqa yachanmi imapaq ruwawasqanchista. Chayta yachaspaqa sumaqtan kawsasunchis.

¿Imapaq Dios ruwawarqanchis?

Jehová Dios ñawpaq runakunata ruwaspaqa huk sumaq llak’aytan qorqan. Diosqa munarqan kay pachata wawankunawan hunt’anankuta, hallp’ata sumaq paraisoman tukuchinankuta, chaypi wiñaypaq kawsanankutapas (leey Génesis 1:28, 31).

Diospa contranpiña ñawpa runakuna hatarirqanku chaypas, payqa manan qolluchirqanchu munayninta nitaq hinallatachu qhawarpariwarqanchis. Bibliaq nisqan hina chaymantapacha Diosqa imaymanata ruwarqan serviqninkunata salvananpaq, kay pachapi munayninta hunt’ananpaqpas. Hinaspapas Diosqa munanmi wiñaypaq kusisqa kawsananchista (leey Salmo 37:29). Chaymantapas Bibliapi willachiwanchis imakunatan ruwasunman sumaq kawsayman aypananchispaq chayta.