Lliupas necesitanchismi consuelota

Yaqapaschá wawallaraq kashaspayki wijch’ukuranki, jinaspa makiykita otaq moqoykita k’irikuranki. ¿Imaynatan mamayki yanaparasunki? K’iriykita limpiaspachá vendawan watarasunki. Qanqa waqarankichá, paytaq sumaqta rimaspa abrazaspa ima tranquilizarasunki. Wawallaraq kashaspaqa faciltan consuelota tariwaq.

Kuraqña kaqtinchisqa sasan vida, problemakunapas aswan jatunmi. Manataqmi faciltachu consuelotapas tarinchis. Kuraqkunaq problemanqa manan juj vendawanchu nitaq mamitaykiq abrazonwanchu allichakun. Wakinmanta yachasun.

• ¿Jayk’aqllapas llank’anaykimanta despedirasunkikuchu? Julián yuyarin llank’ananmanta despedinpuqtinku mana imanakuytapas atisqanta. Payqa tapukuqsi: “¿Imaynatataq familiaytari mantenisaq? Empresapi khaytukuy tiempoña llank’ashaqtiyri, ¿imaraykutaq kunanri mana serviqpaq jina qhawaripuwanku?”, nispa.

• ¿Jayk’aqllapas llakiq ñit’isqan tarikurankichu divorcianakuspa? Raquel willakun: “Wata partinñan qosay qonqaylla wijch’uwan. Sinchitapunin llakikurani. Sonqoypas iskayman parterukunman jinaraq. Manan chayllachu, aswanpas llapa cuerpoymi nanawaran”, nispa.

• ¿Nishu onqosqachu kashanki, manataq allinyankichu? Yaqapaschá Job jina sientekunki, paymi niran: “Manan kausayta munaniñachu”, nispa (Job 7:16). Otaq 80 watayoq Luis jina sientekuwaq, paymi nin: “Mayninpiqa wañuyllatañapas suyakushayman jinapaqmi qhawarikuni”, nispa.

• Otaq consuelota necesitashawaq pi familiaykipas, amigoykipas wañupuqtin. Robert nin: “Waway accidentepi wañupusqanta willawaqtinkuqa manan creeyta atiranichu. Chaymantañan nishuta llakikurani, chaytan Biblia comparan ‘juj jatun espada sonqoykita k’irisunki’”, nispa (Lucas 2:35).

Julián, Raquel, Luis, Robert iman llakipi tarikushaspa consolasqa karanku. Paykunataqa tukuy atiyniyoq Diosmi consolaran kallpacharanpas. ¿Imaynatan pay consolawanchis? ¿Qantapas consolasunkimanchu necesitaqtiyki?