QALLARIYPI KAQ | BIBLIATA LEESPA KUSIKUY

¿Imatan ruwawaq leey gustanasuykipaq?

Bibliata leespa, ¿kusikunkichu icha aburrikunkichu? Chayqa kanqa imayna yuyaywan leesqaykimantan. Kunanmi yachasun Bibliata leespa ama aburrikunaykipaq imakunata ruwanaykimanta.

Fácil entiendekuq Bibliata ajllay. Sichus Bibliata leespa sasa entiendey palabrakunata tarinki chayqa, manan gustowanchu leenki. Chayraykun fácil entiendekuq Bibliata ajllanayki, chhaynapin leesqayki sonqoykiman chayanqa. Ichaqa chay traduccionqa exacto t’ijrasqan kanan.a

Tecnología nisqata aprovechay. Bibliaqa kashanmi internetpipas. Leewaqmi otaq descargawaq computadorapi, tabletpi otaq celularpi. Chaypi tarikuq wakin Bibliakunapiqa kashanmi herramientakuna juj versiculota astawan entiendenaykipaq, askha Bibliakunawan comparanapaqpas. Jinaspapas, sichus uyariyta munanki chayqa, kashanmi uyarinapaq grabacionkunapas. Wakinmanqa gustanmi llank’anaman rishaspa uyariy otaq carropi rishaspa, p’achata t’aqsashaspa otaq imata ruwashaspapas. ¿Manachu chayta qanpas ruwawaq?

Bibliata estudianapaq herramientakunata utilizay. Bibliata estudianapaq herramientakunan astawanqa yanapasunki. Ejemplopaq, kashanmi mapakuna Bibliaq willasqan llaqtakunata tarinapaq, chaypi imakuna pasasqanpi piensanapaq ima. Chaymantapas kay revistapi rijuriq temakuna, jinallataq jw.org nisqapi “Enseñanzas bíblicas” temapi kaqkuna yanapasunki Bibliapi textokunata entiendenaykipaq.

Gustasqasuyki temamanta leey. Bibliata llapanta leeyta sinchi sasapaq qhawarinki chayqa, mayqen partechus astawan gustasunki chaymanta qallariy. Bibliapi pimantapas astawan yachanaykipaqqa, sapankamantan maskhawaq. “Bibliamanta astawan yachanaykipaq iñiyniyoq runakunamanta estudiay” nisqa recuadro yanapasunki pimantapas yachanaykipaq. Leellawaqtaqmi sapanka temamanta otaq ima tiempopi pasasqan fechaman jina. ¿Ruwawaqchu chayta?

a Askha runakunan Mosoq Pachaq Biblian Diospa Palabran traduccionta confianapaq jina, exacto t’ijrasqata, fácil entiendenapaq jina qhawarinku. Kunanqa 130 más simikunapiñan kashan. Chaytan jw.org nisqamanta otaq JW Library aplicacionmanta descargawaq. Munanki chayqa, Jehová Diospa testigonkunapas apamusunkimanmi wasiykiman juj Bibliata.

BIBLIAMANTA ASTAWAN YACHANAYKIPAQ IÑIYNIYOQ RUNAKUNAMANTA ESTUDIAY

**Wakin junt’aq sonqo warmikuna**
Abigail	1 Samuel 25 capítulo
Ana	1 Samuel 1, 2 capitulokuna
Ester	Ester 2-5, 7-9 capitulokuna
María	(Jesuspa mamitan) Mateo 1, 2 capitulokuna; Lucas 1, 2 capitulokuna; leellaytaq Juan 2:1-12; Hechos 1:12-14; 2:1-4
Rahab	Josué 2, 6 capitulokuna; leellaytaq Hebreos 11:30, 31; Santiago 2:24-26
Rebeca	Génesis 24-27 capitulokuna
Sara	Génesis 17, 18, 20, 21, 23 capitulokuna; leellaytaq Hebreos 11:11; 1 Pedro 3:1-6

**Junt’aq sonqo qharikuna**
Abrahán	Génesis 11-24 capitulokuna; leellaytaq 25:1-11
David	1 Samuel 16-30 capitulokuna; 2 Samuel 1-24 capitulokuna; 1 Reyes 1, 2 capitulokuna
Jesús	Evangeliokuna: Mateo, Marcos, Lucas, Juan
Moisés	Éxodo 2-20, 24, 32-34 capitulokuna; Números 11-17, 20, 21, 27, 31 capitulokuna; Deuteronomio 34 capítulo
Noé	Génesis 5-9 capitulokuna
Pablo	Hechos 7-9, 13-28 capitulokuna
Pedro	Mateo 4, 10, 14, 16, 17, 26 capitulokuna; Hechos 1-5, 8-12 capitulokuna

BIBLIATA ESTUDIANAPAQ TESTIGOKUNAQ PREPARASQANKU HERRAMIENTAKUNA

JW.ORG. Kay direccionpin yanapaykuna kashan, jinallataq “Preguntas sobre la Biblia” nisqapipas. Chaypin tarinki JW Library aplicacionta descarganaykipaq yanapaytapas.
Bibliata estudianapaq yanapaykuna. Kay folletopin kashan Bibliamanta mapakuna, fotokuna, jujkunapas.
Bibliaq willasqan. Kay folletoqa 32 paginakunayoqmi, chaypin willashan Bibliaq principal temanta.
Perspicacia para comprender las Escrituras. Kay libroqa tukuytan Bibliamanta explicashan. Iskay tomopin kashan: runakunamanta, llaqtakunamanta, Bibliapi rijuriq palabrakunamanta ima.
“Toda Escritura es inspirada de Dios y provechosa”. Kay libroqa maypi imarayku sapanka libropas qelqakusqantan explicashan, jinallataq sapanka libromanta pisillapi willashan.
La Biblia... ¿la Palabra de Dios, o palabra del hombre? Kay librotaqa allinta investigaspan ruwakuran. Chaypin Biblia Diospa yuyaychasqan kasqanmanta pruebakunata explicashan.