¿Ima Niwaqmi?

¿Yanapasunkimanchu Biblia Diospa amigon kanaykipaq?

WAKIN RUNAKUNAQ CREESQANKU

Wakinqa juchayoq kasqankuraykun piensanku Diospa amigon kayta mana atinankupaq. Wakintaq creenku Dios noqanchispi mana interesakunanpaq. Qanrí, ¿ima niwaqtaq?

¿IMA NINMI BIBLIA?

Diosqa kasukuq runakunatan amigonpaq qhawarin (Proverbios 3:32). Sichus payta kasukusun chayqa, amigonmi kasunman.

¿IMATAWANMI BIBLIA NIN?

• Jehová Diosqa amigon kananchistan munan (Santiago 4:8).

• Diosqa amigonchis kaspan yanapayta munawanchis, jinallataq perdonaytapas (Salmos 86:5).

• Diospa amigonkunaqa paypa cheqnikusqantan cheqnikunku, munakusqantataq munakunku (Romanos 12:9).