¿Dios yachanmanchu imayna sientekusqanchista?

¿IMATAN YACHASUNMAN DIOSPA KAMASQANKUNAMANTA?

Igual-llan gemelokunaqa kanku kaqllatan piensanku sientenkupas. Directora Nancy Segal payqa gemela hermanayoqmi, gemelokunamanta estudianapaq nisqapin llank’an, paymi nin: “Gemelokunaqa allintan entiendenakunku, manan necesitankuchu explicanatapas”, nispa. Juj warmipas gemela hermanayoqmi, paymi willakun imaynas hermananwan kanku chayta: “Nishutapunin reqsinakuyku”, nispa.

¿Imaraykun chhayna kanku? Maypi tiyasqanku pikunawan wiñasqanku afectanmanña chaypas, investigakusqanman jinaqa ADNa nisqapin iskayninkupaq imayna kananku yaqa igual-lla kashan.

KAYPI PIENSAY: Diosmi kamaran ADN nisqataqa, chayraykun payqa allintapuni reqsiwanchis. Chayraykun David khaynata qelqaran: “Qanmi mamaypa wijsanpi jank’ukunawan minichawaranki. Cuerpoypa wiñasqantapas qanqa rikurankin pakallapi kamasqa kashaqtiypas [...]. Wijsallapiraq kashaqtiymi rikuwarankiña”, nispa (Salmos 139:13, 15, 16). Jehová Diosqa manan imayna kamasqa kasqallanchistachu yachan, aswanpas yachanmi imayna kausayniyoq, imayna runa kasqanchistapas. Chaymi seguro kashanchis payqa allintapuni entiendewasqanchismanta.

¿IMA NINMI BIBLIA DIOS ALLINTAPUNI REQSIWASQANCHISMANTA?

Rey Davidmi Diosmanta mañakuran: “Señor Diosníy, qanmi t’aqwiwankipas reqsiwankipas, qanmi tiyaykusqaytapas sayarisqaytapas yachanki, yuyaykusqaytapas karumantaraqmi sut’itapuni yachanki. Manaraq rimarishaqtiymi, Señor Diosníy, qanqa llapantaña yachanki”, nispa (Salmos 139:1, 2, 4). Jehová Diosqa yachanmi sonqonchis ukhupi sientesqanchista, piensasqanchista, munasqanchistapas (1 Crónicas 28:9; 1 Samuel 16:6, 7). ¿Imatan chay Diosmanta yachachiwanchis?

Diosmanta mañakushaspa mayninpi manaña ima nispa niyta atinchischu chaypas, payqa yachanñan. Payqa manan ima ruwasqallanchistachu rikumun, aswanpas yachanmi imarayku ruwasqanchista. Manan chayllachu, Diosqa yachanmi imakunatawanmi ruwayta atisunman chaykunatapas. Arí, Diosmi kamawaranchis munakuqta, chaymi Diosqa sonqomantapuni munan noqanchista reqsiyta, ima piensasqanchiskunatapas entiendeyta (1 Juan 4:7-10).

Biblia asegurawanchis:

• “Jehová Diospa ñawinqa allin kausaq runakunatan qhawashan, paykunaq rogakusqankutan ninrinpas uyarishan” (1 PEDRO 3:12)

• Diosmi prometewanchis: “Qantan qhawashayki. Noqan yachachisayki, noqan yuyaychasayki, noqan maynin purinayki ñanta yachachisayki”, nispa” (SALMOS 32:8)

DIOSQA KHUYAPAYAKUQMI

¿Atisunmanchu problemakuna atipayta Dios khuyapayakuq kasqanta yachaspa? Nigeria nacionmanta Ana nin: “Manan ima ruwaytapas atiraniñachu, chaymi niq kani: ‘Aswanpas wañupullaymanña’, nispa. Ñuñuypin cancerta tariwaranku, qosaypas wañukapuranñan, wawaypas hospitalpin kasharan cerebronpi unu junt’asqanrayku. Noqapaqqa nishu sasan karan wawaypas noqapas hospitalpi kasqaykuqa, jinaspapas operawanankun karan, quimioterapiata radioterapiata iman ruwawananku karan”, nispa.

¿Iman Anata yanaparan sasachakuyninta aguantananpaq? Paymi nin: “Filipenses 4:6, 7 textopin piensaq kani, chaypi nisqan jina ‘Diosqa runaq mana entiendey atisqan thaj kayta qosunkichis, chhaynapin sonqoykichista yuyayniykichista ima waqaychanqa’ nispa. Kay textopi sapa kutillan yuyarispaymi Jehová Diosman jujllachakuq kani. ‘Noqamanta payqa astawan entiendewan’ nispa niq kani. Chaymantapas iñiqmasiykunaqa allinta kallpachawaranku.

“Mayninpiqa onqosqan tarikuni, ichaqa kallpachakuykun allillan kusisqa kanaykupaq. Manañan facilchu chaypas, Jehová Diosta ladoykupi sientesqaykurayku. Santiago 5:11 nin: ‘Chhaynata aguantaqkunaqa kusisqan kanku. Qankunaqa yachankichismi imaynatachus Job aguantaran, imaynatachus Jehová Diospas bendeciran chaytaqa ¿riki? Chhaynapin Jehová Diosqa rikuchiran ancha munakuq kasqanta, khuyapayakuq kasqantawan’, nispa. Jehová Diosqa Jobpa sufrisqantaqa allintan entienderan, sufrisqanchistapas allintan entienden”, nispa.