Sinchi grave onqoywan tarikuqtiyki

“Colon nisqamanta, pulmonmanta iman cáncer onqoywan kashanki nispan doctorkuna niwaranku, chayta yachaspaymi wañuy patapipas kashayman jina sientekurani. Ichaqa wasita chayaspan imata ruwanaypi piensanay karan, manaña chhaynapi tarikunayta yacharanichu chaypas” (71 watayoq Linda).

“Lloq’e lado uyaypin nervioymanta mana allinchu kani, chaymi nishuta nanawan. Mayninpiqa nanayniyqa mana aguantay jinan, chaymi nishuta llakikuni. Mayninpitaq sapay sientekuspa wañuchikuytaraq munaq kani” (49 watayoq Elisa).

Juj runa silla de ruedas nisqapi kashan familiankunaq compañasqan

QANTA otaq familiaykimanta mayqentapas mana jampiy atina onqoyta tarirasunkiku chayqa, ñan yachankiña imaynas chhaynapi tarikuy kasqanta. Onqoyniyoq kaspaqa nishu llakisqan tarikunki. Llakikuyniykiqa astawanmi yapakun sapa kuti doctorman rinayki kaqtin, tratamientota seguinayki kaqtin otaq chaypaq qolqeta conseguinayki kaqtin, jampi tomasqaykikuna malta ruwasuqtiyki ima. Sinchi grave onqoywan tarikuqkunapaqqa nishu sasan.

¿Iman yanapanman chhaynapi tarikuqkunata? Wakintaqa yanaparan Diosmanta mañakusqanku, Bibliata leesqanku iman. Juj yanapaytaq familianku amigonku munakuywan yanapasqanku.

¿IMATAN WAKIN RUNAKUNA RUWARANKU?

Roberto 58 watanpi kashaq nin: “Onqoyniykita aguantanaykipaqqa, Diospi confiay, paymi yanapasunki aguantanaykipaq. Diosmanta mañakuy jinaspa imayna sientekusqaykita willakuy. Santo espiritunta mañakuy familiaykirayku fuerte kanaykipaq, chhaynapi onqoyniykimanta ama nishuta llakikunaykipaq”, nispa.

Roberto nillantaq: “Ancha allinmi ama llakiwan ñit’ichikunaykipaq familiaykikuna ladoykipi kaspa yanapasqasuykikuqa. Wakin familiayqa sapa p’unchaymi wajamuwan imayna kashasqayta yachanankupaq. Juj lugarkunamanta amigoykunapas yanapawankun. Chaykunan aswan allin sientekunaypaq yanapawan”, nispa.

¿Mayqen amigoykipas onqosqachu kashan, piensashankichu visitayta? Linda nillantaq: “Onqosqa runaqa imaymanamantan rimayta munan manan onqoynillanmantachu, paykunaqa normalmi sientekuyta munanku. Chhaynaqa imaymanamanta rimapayay”, nispa.

Diospa kallpa qosqasuykiwan, Bibliapi consuelota tarispa, familiaykikunaq amigoykikunaq munakuywan yanapasqasuykiku iman yanapasunki ama nishuta onqoyniykiwan sufrinaykipaq.

Bibliapi textokunan yanapasunkiman

Diosman jap’ipakuy

“Señor Diosmanmi wajakurani, paytaq kutichimuwaran, lliu manchakusqaymantan librawaran. Señor Diostaq uyariykuwaran” (Salmos 34:4, 6).

Linda nillantaq: “Diostaqa mana jayk’aqpas ninichu jampiwanantaqa. Aswanpas kallpanta mañakuni onqoyniyta aguantanaypaq”, nispa.

Bibliata leey fuerte kanaykipaq

“Manan mayqellanpas: ‘Onqosqan kani’, ninqachu” (Isaías 33:24).

Diospa promesankunapi piensay. Chaymi kallpachasunki aguantanaykipaq.

Familiaykikunawan amigoykikunawan yanapachikuy

“Tukuy tiempon amigoqa munakun, llaki-phutiy tiempopipas wayqe jinan khuyapayakun” (Proverbios 17:17).

Elisa nillantaq: “Ama karunchakuychu. Amigoykikunawan yanapachikuy. Mayninpiqa sapaykipaschá sientekunki, ‘Diosqa manan uyariwanchu’ ninkipaschá, ichaqa ama karunchakuychu”, nispa.