Diospa gobiernonmanta cheqaq yachachikuy
Jesusmi qatikuqninkunata Diosmanta mañakunankupaq yachachiran: “Yayayku janaq pachapi kaq, sutiyki ch’uyapaq jap’isqa kachun. Gobiernoyki jamuchun. Munayniyki kay pachapi ruwakuchun imaynan janaq pachapipas ruwakun jinata”, nispa (Mateo 6:9, 10). ¿Iman Diospa gobiernon? ¿Imatan ruwashan? ¿Imaraykun jamunanpaq mañakunanchis?
Diospa gobiernonpiqa Jesusmi rey
Lucas 1:31-33: “Paytan sutichanki ‘Jesús’ nispa. Payqa jatunmi kanqa, ‘ancha jatun Diospa Churin’ nisqataqmi kanqapas. Jehová Diosmi paytaqa ñaupa taytan Davidpa trononpi reyta churanqa. Jinan Jacobpa mirayninta wiñaypaq kamachinqa, kamachikuynintaq mana tukukuq kanqa”.
Jesusqa Diospa gobiernollanmantapunin willaq
Mateo 9:35: “Jesusqa llapa llaqtakunata llapa ayllukunatawanmi puriran sinagogakunapi yachachispa, Diospa gobiernonmanta allin willakuykunata willaspa, imaymana onqoyniyoqkunata nanayniyoqkunatawan qhaliyachispa”.
Jesusmi qatikuqninkunaman willaran Diospa gobiernon qayllapiña kashaqtin imakuna pasananta
Mateo 24:7: “Juj nacionmi juj nación contra jatarinqa, juj llaqtataq juj llaqta contra jatarinqa, kayneqpi chayneqpin kanqa yarqaypas terremotokunapas”.
Jesuspa qatikuqninkunaqa pachantinpin willamushanku Diospa gobiernonmanta
Mateo 24:14: “Diospa gobiernonmanta allin willakuykunan pachantinpi willasqa kanqa llapa nacionkuna yachananpaq, jinan tukukuyqa chayamunqa”.