Diospa yachayninqa mana igualanan
1 Wakin runakunaqa munanku runaq problemankunata allichaypi Jehovaq testigonkuna preocupakunantan. Chay runakunaqa manan entiendenkuchu Diospa Palabran Bibliawan yachachisqanchis aswan allin kasqanta. Apóstol Pabloq nisqan hinan, “k’aspipi ñak’ariymanta rimayqa mana valorniyoq wañunayaqkunapaqqa, salvakuqkunapaqmi ichaqa, Diospa podernin” (1 Cor. 1:18). Ñoqanchisqa yachanchismi, Diosmanta hukkunaman yachachiyqa aswan importante kasqanta.
2 Kay tiempopi aswan allin kawsay. Kay tiempopi problemakuna allichay munasqankuqa manan llapanchu allinpi tukun. Carcelpi churanapaq leykuna churasqankupas manan sayachinchu delitota. Tratadokunapas, thak kawsaypaq organizacionkunapas manan guerrakunata tukuchinchu. Wakchakuna yanapanapaq institucionkunapas manan tukunchu wakchayaypa yapasqanta (Sal. 146:3, 4; Jer. 8:9). Diospa Reinonmanta mensajen ichaqa, millonninpi runakunaq vidanta cambian, Diospa aceptananpaq mosoq runa kaywan p’achakuyta yanapaspa (Rom. 12:2; Col.3:9, 10). Chhaynapin runakunaqa aswan allinta kawsanku (1 Tim. 4:8).
3 Hamuq tiempopi kusi kawsay. Kay tiempopi Problemanchiskuna atipayta yanapawanchis chaypas, Diospa yachayninqa allintan preparawanchis hamuq tiempopaq (Sal. 119:105). Tukukuq mundo allichaypi yanqapaq kallpachakuymantan librawanchis (Ecl. 1:15; Rom. 8:20). Anchatan agradecekunchis yanqa maskhaykunapi tiemponchista manaña usuchisqanchismanta. Aswanmi kallpachakunchis Jehová Diospa promesanpi “mosoq cielopas mosoq allpapas” kananpi, chaypin justicia kanqa. Jehová Diospa juicion chayamuqtinmi, Diospa yachayninpi confiaqkunaqa yachanqaku allin decidisqankuta (2 Ped. 3:10-13; Sal. 37:34).
4 “Kay mundopi yachaywan atipasqakunaqa” piensankumanmi Diospa yachayninqa manaña tiemponchispaqñachu kasqanta, Diospa yachayllanmi ichaqa tiemponchispaq hina (1 Cor. 1:21; 2:6-8). Chayraykun, “sapallan yachayniyoq” Diospa mensajenta Allpantinpi willa- shallasun (Rom. 16:27, Biblia del nuevo milenio).