Caballokunapi hamuq ejercitoqa importasunkin
1, 2. ¿Imaynatan kunan afectan Diosta serviqkunata Revelación 9:13-19 qelqasqa profeciamanta visionpa hunt’akusqan?
1 “Soqta kaq angelmi trompetanta tocan.” Chay qhepatan “caballokunapi hamuq ejercitoqa” phawayta qallarin. Waranqanpi caballokunapin phawanku mancharikunapaq hina bullata ruwaspa. Kayqa manan común ejercitochu. “Caballokunaq umanmi leonpa uman hina.” Siminmantan lloqsin nina, q’osñi, azufrepas, “chupankupas mach’aqway hinan.” Kay ejercitoqa rikch’anachinallapaqmi, purisqanpin ichaqa imaymanata tukun (Rev. 9:13-19). ¿Imaynatan qanta afectasunki kay visionpa hunt’akusqan?
2 Ungidokunamanta puchuqkunan huk ovejakunawan kuska willashanku Diospa juicionkunata, rikuchishankun cristiandadpa espiritualpi wañusqa kasqantapas. Examinasun profeciamanta visionpi iskay puntota, chaypin yachasun Diosta serviqkunaq llank’asqan imarayku allinpi tukusqanta.
3. ¿Imaynatan qanta preparasunkiku Diospa mensajenta allinta predicanaykipaq?
3 Diospa mensajenta willanapaq allin preparasqa. Escuela del Ministerio Teocraticopin, huk reunionkunapiwan Diospa ministronkunata preparanku paypa mensajenmanta valorwan rimanankupaq. Jesús hina, apostolkuna hinan kay tiempopi cristianokunapas maypipas runaq kasqanpi predicaspa mereceq runakunata maskhanku (Mat. 10:11; Mar. 1:16; Luc. 4:15; Hech. 20:18-20). Bibliaq nisqanman hina predicaymi allinta yanapan.
4. ¿Imakunan predicasqanchispi yanapawanchis llapan publicadorkunata?
4 Diospa ministron cristianokunaqa saqemunchis millonninpi bibliakunata, librokunata, folletokunata, revistakunatawanmi predicanapaq kamachiwasqanchista kasukuspa. Chay publicacionkunaqa ruwakun yaqa tawa pachak idiomakunapin, imaymana temakunamantan riman, imaymana clase runakunaman interesachinapaq hina. ¿Allintachu qan aprovechashanki kay yanapaykunata?
5, 6. ¿Imaynatan yachanchis Jehovaq llaqtanta cielomanta yanapasqankuta?
5 Cielomantan yanapamun dirigimunpas. Profeciamanta visionmi allinta rikuchin caballokunapi ejercitowan representasqa runakunaq ruwasqanqa Diospa yanapasqan kasqanta (Rev. 9:13-15). Mundontinpi predicasqanchisqa manan runaq yachayninwanchu nitaq atiyninwanchu ruwakun, Diospa espiritunpa yanapasqanmi atikun (Zac. 4:6). Angelninkunawanmi Jehovaqa llank’asqanchista dirigimun (Rev. 14:6). Chaymi Jehovaqa kay allpapi Testigonkunawan llank’achin chaypas, angelninkunawan yanapachin manso runakunata tarinankupaq (Juan 6:45, 65).
6 Diospa mensajenta willanankupaq allin preparasqa kasqankuwanmi, angelkunaq yanapasqanpiwan Jehovaq llaqtanqa mana hark’ay atina fuerza. Llank’ashallasun profeciamanta visionpa hunt’akusqanpi.