Agradecido kasun
1 “Sasa tiempokunapi kawsanchis chaypas”, askha razonkunan kan Jehovata agradecekunanchispaq (2 Tim. 3:1). Ñoqanchisrayku sapallan Churinta qosqanmantan aswantaqa agradecekunanchis (Juan 3:16). Chaymantapas Testigokunaqa askhatan chaskinchis espiritualpi mikhunata, pantasqa religionpi kaqkunaña yarqaymanta kashanku chaypas (Isa. 65:13). Mundontinpi wayqepanantin kaspan lliw sitiopi llapanchis willanchis cheqaq adoracionmanta (Isa. 2:3, 4; 60:4-10, 22). ¿Imaynatan Jehovaman rikuchiswan imaymana bendicionkuna qowasqanchismanta agradecido kasqanchista? (Col. 3:15, 17.)
2 Kusikuywan mana obligasqa servisqanchis. Qolqewan yanapaymanta rimaspan apóstol Pablo qelqaran: “Diosqa munakun kusikuywan qoqtan” (2 Cor. 9:7). Kaqllataqmi servicionchispipas, agradecido kayninchismi rikukun Bibliamanta yachasqanchiswan, reunionkunapi uyarisqanchiswanpas kusisqa kasqanchispi, serviciopi askhata llank’aspa Diospa munaynintapas kusisqa ruwasqanchispi (Sal. 107:21, 22; 119:14; 122:1; Rom. 12:8, 11).
3 Ñawpa tiempo Israelpi Leyqa manan niranchu sapanka ofrendapaq hayk’a qonankuta. “Jehovaq bendecisqanman” hina qospan israelitakunaqa agradecido kayninkuta rikuchiranku (Deu. 16:16, 17). Kunanpas kaqllataqmi: agradecesqa sonqonchismi kallpachawasun atisqanchisman hina askhata predicananchispaq hukkunaman yachachinanchispaqpas. Kay killakunapin rikuchisunman Diospaq agradecido kasqanchista. Vacacionninkupin wakinqa aswan askhata predicanku otaq precursor auxiliarpas kanku. ¿Atiswanchu kay killakunapi astawan predicayta?
4 Anchata agradecekusun. Oracionninchiswanmi rikuchisun Jehovata agradecekusqanchista (1 Tes. 5:17, 18). Diospa Palabranmi kallpachawanchis “iñiypipas agradecimientopipas llimp’arinanchispaq” (Col. 2:7). Askha ruwanayoq kaspa otaq sinchi llakisqa kaspapas, sapa p’unchay oracionninchispi Diosta agradecekusun (Fili. 4:6). Chhaynapin, servicionchispipas oracionninchispipas, “qhapaq kasun Diosninchista anchata agradecekuspa” (2 Cor. 9:12).