Jehovaqa yanapanmi paypi confiaqkunata
1 Askha runan piensanku qolqeyoq kaspa, allin puestoyoq kaspa otaq imatapas allinta yachaspa allin kawsanankupaq (Sal. 12:4; 33:16, 17; 49:6). Jehovata manchakuspa paypi confiaqkunatan ichaqa Biblia aseguran “paymi paykuna yanapaqqa, paykunaq escudonpas”, nispa (Sal. 115:11). Qhawarisun Jehovapi confiasqanchista imakunapi rikuchinata.
2 Diospaq servicionchis. Congregacionpipas otaq serviciopipas yachachispaqa, Diospin confiananchis. Jesusmi allin ejemplota chaypaq churawanchis. Diospa churinña karan chaypas manan paypa yachayninpichu nitaq atiyninpichu confiaran, aswanmi tukuy sonqonwan hanaq pacha Taytanpi confiaran (Juan 12:49; 14:10). ¡Aswantaraqmi ñoqanchisqa Diospi confiananchis! (Pro. 3:5-7.) Jehová Diospa yanapasqallanmi atisunman payta hatunchaytapas hukkunata yanapaytapas (Sal. 127:1, 2).
3 Yachachiwananchispaq, yanapawananchispaq espíritu santonta oracionpi mañakuspan Jehovapi confiasqanchistaqa rikuchinchis (Sal. 105:4; Luc. 11:13). Paypi confiasqanchistan rikuchillanchistaq Palabran Bibliaq nisqanman hina yachachispa, kay libroqa poderniyoqmi runaq sonqonman chayananpaq, vidanku cambiananpaqpas (Heb. 4:12). Kikillanchismanta mana atispa “Diospa qosqan fuerzaq yanapasqallan” servispan Jehovataqa hatunchanchis (1 Ped. 4:11).
4 Problemapi tarikuspa. Jehová Diospa yanapaynintan mañakunanchis problemakunapi tarikuspaqa (Sal. 46:1). Llank’asqanchispi jefenchispaschá mana faciltachu permisota qowasun asambleaman rinanchispaq, otaq familianchispas sasa tiempopi tarikunman. Jehovapi confiasqanchistan rikuchinchis tukuy sonqowan oraspa, Palabranpa, organizacionninpa kamachisqanta kasukuspapas (Sal. 62:8; 119:143, 173). Chhayna ruwaq cristianokunaqa reparankun vidankupi Jehovaq yanapasqanta (Sal. 37:5; 118:13, 16).
5 Kikin Diosmi asegurawanchis: “Kusisqan Jehovapi confiaq runaqa, Jehová paypa confianzan kasqanrayku” (Jer. 17:7). Chayrayku, imaymana ruwasqanchispi rikuchisun paypi confiasqanchista (Sal. 146:5).