Yanapawanaykikutan munayku
1 “Anchatan agradecekuykiku ñoqaykupaq imaymana ruwasqaykichismanta. Ruwasqaykichisqa yanapawankun,” nispan niran huk hermanonchis. Ñoqanchispas chaytan sientinchis ancianokunapaq, siervo ministerialkunapaqpas. Diospa llaqtanpa yapasqanman hinan necesitakun ancianokuna, siervo ministerialkunapas, mundontinpi yaqa pachak waranqa congregacionkunapi yanapanankupaq. Bautizasqa kanki chayqa, qanpas yanapawayku.
2 Kallpachakuy privilegio chaskinaykipaq. ¿Imatan ruwawaq ancianopas, siervo ministerialpas kanaykipaq? (1 Tim. 3:1.) Tukuy kawsayniykipin allin ejemplo kanayki (1 Tim. 4:12; Tito 2:6-8; 1 Ped. 5:3). Kallpachakuy astawan predicanaykipaq hukkunatapas yanapanaykipaq (2 Tim. 4:5). Sonqomanta interesakuy iñiqmasiykikunaq allinninpi (Rom. 12:13). Bibliata allinta estudiay, kallpachakuytaq allin yachachiq kanaykipaq (Tito 1:9; 1 Tim. 4:13). Congregacionpi imapas ruwanaykipaq ancianokunaq kamachisqanta, allinta ruway (1 Tim. 3:10). Familiapi uma kaspaqa, ‘wasiykipi kaqkunata allinta kamachiy’ (1 Tim. 3:4, 5, 12).
3 Ancianopas, siervo ministerialpas anchatan kallpachakunku congregacionpi askha llank’anankupaq (1 Tes. 5:12). Chayrayku, chhaynata llank’ayta munanki chayqa, humildadwan hukkunata yanapay (Mat. 20:25-28; Juan 13:3-5, 12-17). Yuyaymanay Timoteoq ejemplonpi, kallpachakuytaq pay hina kanaykipaq (Fili. 2:20-22). Allin kawsayniykiwan qanpas rikuchiy privilegiokuna munasqaykita (Hech. 16:1, 2). Sichus kallpachakunki, ancianopas, siervo ministerialpas kanaykipaq, kasukunkitaq allinyanaykipaq consejokuna chaskisqaykitapas chayqa, “iñiypi wiñasqaykitan lliwpas sut’ita rikunqaku” (1 Tim. 4:15).
4 Tayta mamakuna, wawaykichista yachachiychis yanapaq kanankupaq. Wawakunaqa huch’uychankumantapachan yanapayta yachankuman. Yachachiychis: Predicayta, Salonpi allin uyariyta, pichaqtinku yanapayta, allin portakuyta, hukkunatapas kuraqkunatapas yanapayta, escuelankupi ejemplo kaytapas. Chaykunata ruwaspan kusikunqaku (Hech. 20:35). Chhaynata yachachisun chayqa wiñaspankun precursorpas, siervo ministerialpas, ancianopas kanqaku.