Revistakunata serviciopi munachisun
1, 2. ¿Imaynatan runakunata yanaparan La Atalaya ¡Despertad! revistakuna?
1 “Sumaq, allinpaq, kallpachakuq.” “Allin kallpachakuq revistakunatan ñawincharani.” Kaytan ninku teqsimuyuntinpi La Atalaya ¡Despertad! ñawinchaqkuna. Revistanchiskunaqa ancha chaninniyoqmi allin willaykunata ‘llapa runaman’ apanapaq (1 Tim. 2:4).
2 Negociopi llank’aq runan ¡Despertad! revistapi huk tema willasqanta yachayta munaspa, revistawan qhepakuran. Chaymanta Atalayapi ñawinchasqa huch’uyninmantapacha trinidadpi creesqanmanta, kaymi yapamanta yuyaymanachisqa. Kaymi allinta kallpachasqa, soqta killa qhepamantaq bautizakusqa. Huk runan sapa kutin revistakunata chaskiran, manataqmi hayk’aqpas ñawincharanchu. Warmintaqmi Testigokunawan mana rimayta munaranchu, qosanpa chaskisqan revistakunatan ichaqa ñawincharan. Bibliaq nisqan hina paraisopi chanin runakunaq tiyananmanta yachaspan, sonqon kusirikuran. Chay qhepamantaq paypas, wawanpas, ñañanpas Jehová Diospa kamachin kapuranku.
3. ¿Imaraykun allin kanman iskaynin revistakunata munachiy?
3 Iskaynin revistakunata munachisun. Ñawpaq ejemplokunapi hina, manan yachakunchu pin revistanchiskunata ñawinchanqa, nitaq chaypaq ima kallpachanantapas (Ecl. 11:6). Huk revistallamantaña allinta willasun chaypas iskaynintan Atalayata ¡Despertadtawan! munachina. Mayninpiqa huk visitallapin askha revistakunata munachisunman.
4. ¿Imaynatan tiemponchista t’aqasunman revistakunawan predicanapaq?
4 Allinmi kanman semanapi huk p’unchay t’aqay revistakunata munachinapaq. 2005 watapi Jehovaq Testigonkunaq Calendarionpin señalasqa sapa sábado “revistakunapaq p’unchay”. Tiyasqanku llaqtapi sabadonpi revistawan mana llank’ayta atispaqa, huk p’unchaytan wakinqa t’aqanku revistawan llank’anankupaq. ¿T’aqashankichu semanapi tiempoykita revistakunawan predicanaykipaq?
5. ¿Maykunapin revistakunata munachisunman, iman chaypaq yanapawasun?
5 Hayk’amantaq chayayta munanchis. Sapa killapi hayk’ata revista saqey munasqanchismi, yanapawasun servicionchispi astawan kallpachakunanchispaq. ¿Yachankiñachu pikunaman revista saqenaykita? ¿Munachishankichu revistakunata serviciopi? ¿Munachiwaqchu revistakunata callekunapi predicaspa, negocio ruwaqkunaman, askha runa kasqanpipas? ¿Apankichu revistata viajanaykipaq, rantikuq rispa, otaq piwanpas tupanayki kaqtin? Tukuy tiempopi hukkunata allinninpaq yanapasun revista Atalayawan ¡Despertadwan!
6. ¿Imatan ruwasunman ñawpa revistakunawan?
6 Saqellasunmantaqmi ñawpa revistanchiskuna kaqtinpas. Iskay killa otaq masña revistakuna chayamusqanmanta pasanman chaypas, revistaq ima yachachisqanpas chaninllan. Munaqkunaman saqey. ‘Tiemponpipuni rimasqa simi’ hinan, millonninpi runakunapaq La Atalaya ¡Despertad! revistakunaqa (Pro. 25:11). Kay revistakunawan yanapasun millonninpi runakunata, Jehová Diosta reqsinankupaq kamachisqantapas kasukunankupaq.