Imaynatan revistakunata munachina

La Atalaya 15 de mayo

“¿Hayk’aqllapas chinkanmanchu kay pachapi wakchakay? [Uyariy kutichisqanta.] Qhawariy Jehová Diospa munachisqanta [leey Isaías 65:21]. Kay Atalayan willan imaynata chay munachisqan hunt’akunqa.” Rimay hayk’aq kutinki kay tapuyta kutichinaykipaq: ¿hayk’aqmi wakchakay tukukunqa?

¡Despertad! 22 de mayo

“Askha runakunan uyarinku, qhali kanapaq ejercicio ruway allin kasqanta, ichaqa askharaqmi reparanku pisi ejercicio ruwasqankuta. ¿Cheqaqchu? [Uyariy kutichisqanta.] Kay revista willan sapa kutin ejercicio ruway allin kasqanta, yanapantaqmi tiempota t’aqaspa ejercicio ruwanapaq.”

La Atalaya 1 de junio

“Llapa llaqtapiña munanku thak kananta chaypas, hallp’antinpi runakuna manan hukllachakuyta atinkuchu. ¿Mosqoy hinallachu kanman thak kawsayta aypay? [Uyariy kutichisqanta.] Kay revistan willan kay pachantinta hukllachaq kamachikuqmanta.” Leey Salmo 72:7, 8 textota, qhepaytaq hayk’aq kutinaykipaq, imayna hunt’akunanta yachachinaykipaq.

¡Despertad! 8 de junio

“¿Reparankichu aycha qarapi cáncer onqoy yapakusqanmanta runakuna llakikusqanta? [Uyariy kutichisqanta.] Kay ¡Despertad! revistan willan imaraykun kunan tiempopi chay onqoy astawan hap’iwasunman, imatataqmi ruwananchis mana chay onqoy hap’iwananchispaq.” Tukuytaq kallpachanapaq promesata leespa Job 33:25 textopi.