Qhawachina yanapaykunawan yachachiy
1. ¿Imaynatan Jehová Dios qhawachina yanapaykunawan ñawpa tiempopi kaq kamachinkunaman yachachiran, imapitaq tukuran?
1 Ñawpa tiempopi Jehová Diosqa kamachinkunaman mayninpi yachachiq rikhuriykunawan mosqokuykunawan ima. Yuyariy Jehová Diospa hanaq pacha tiyananta Ezequielpa rikusqanmanta (Eze. 1:1-28). Yuyarillaytaq imaynataraqchá Danielpas sientekuran mosqoyninpi hatun suyukunaq rikhurinanmanta qhawaspa (Dan. 7:1-15, 28). ¿Ima nisunmantaq “Señorpa p’unchayninpi” imakunachus kananmanta willaq apostol Juanpa chaskisqan ‘rikuchiymanta’? (Apo 1:1, 10.) Jehová Diosmi kamachinkunaman yachachiran imaymana colorkunayoq qhawachina yanapaykunawan, chhaynapin yuyayninkupipas unayta qheparan.
2. ¿Ima qhawachina yanapaykunata hap’inchis Bibliamanta yachachinapaq?
2 Bibliamanta yachachisqanchista mana qonqanankupaqqa noqanchispas qhawachina yanapaykunawanmi yachachinanchis, chaykunan kanman videokuna. Kay videokunaqa imaymanamantan riman, kallpachawanchistaq Bibliapi confianapaq, Jehová Diospa llaqtanpi, cristianoq kawsaynin allinyachiq kamachikuykunapipas. Qhawasunchis imaynatan kay videokunawan yachachisunman, chayta.
3. ¿Imawanmi yanapasunman Bibliamanta yachachisqanchista Jehová Diospa llaqtanta reqsinanpaq?
3 Predicaspanchis: ¿Hayk’aqllapas Bibliamanta yachachisqaykiman willarankichu kay pachantinpi wayqe-pananchiskunamanta? Qhawachiwaqmi chaymanta Toda nuestra asociación de hermanos, nisqa videopi. Mañawaqmi mana estudiasqaykichis p’unchaypi qhawananpaq otaq kuskapas qhawawaqchis. Chaymanta t’aqwiwaqchismi Nuestro Ministerio del Reino de junio de 2002, chaypi kaq tapuykunata.
4. ¿Ima yachachina yanapaykunawan wayna-sipas Testigokuna escuelankupi yachachinkuman?
4 Qankuna, erqekuna wayna-sipaskunapas claseykichispi yachachiqniykichisman niwaqchismi Los testigos de Jehová se mantienen firmes ante el ataque nazi otaq Fieles ante las pruebas. Los testigos de Jehová de la Unión Soviética, nisqa videokunata qhawanaykichispaq. Rimawaqmi claseykipaq tapuykunata preparanaykipaq Nuestro Ministerio del Reino de junio de 2001, febrero de 2003 chaykunamanta.
5. ¿Imawanmi Tayta-mamakuna yachachinkuman familiankuwan estudiaspa?
5 Familiawan amigokunawan: Tayta-mamakuna yuyariychis wawaykichis hayk’ataña wiñaranku Los jóvenes preguntan... ¿Cómo conseguir amigos verdaderos?, nisqa videota qhawasqankumanta. ¿Manachu wakmanta familiaykiwan estudiasqaykichispi qhawawaqchis? Nuestro Ministerio del Reino de abril de 2002 chaypi kaq tapuykunan yanapasunkichis chay videomanta sumaqta rimanakunaykichispaq.
6. ¿Imatan ruwawaq amogoykikunawan kallpachanakunaykichispaq?
6 Unaytañachá congregacionpi kaq amigoykikunata wasiykiman invitayta munashanki. Chaynaqa huñunakuwaqchismi huk tardenta Respetemos la autoridad de Jehová, nisqa videota qhawanaykichispaq, chhaynapin espiritualpi kallpachanakunkichis, aswantaraq sichus qhawasqaykichis qhepata septiembre de 2004 Reinopaq Servicionchis, chaypi kaq tapuykunata t’aqwinkichis chayqa.
7. ¿Pikunamanraq maykunapiwan kay videokuna qhawachiy allinpuni kanman?
7 Maykunapiwan pikunamanraq: ¿Imaynataraqmi videokunata utilizawaq? ¿Sapa kutin visitasqaykikunata yanapanmanchu espiritualpi kay videokunata qhaway? ¿Qhawachiwaqchu kay videokunata asilokunapi? ¿Yanapasunkimanchu kay videokuna mana iñiq familiaykikunawan, wasimasiykikunawan, llank’aqmasiykikunawanpas allinta kawsanaykipaq? Videonchiskunaqa allin sumaq yachachiq yanapaykunan. Chaykunawan yachachiy.