Lliw runapaq allin ejemplo

Allintan reqsinakuran Jehová Dioswan, payllapaqtaq kawsaranpas. Arí, “Diospa munayninta ruwaspallapunin kawsarqan”, chay rayku askha saminchaykunata chaskiran. Chay runaqa karan Noé, paytan waynakunapas kuraqkunapas qatikunanchis (Gén. 6:9). Noé anduvo con Dios, nisqa videopi yachasunchis imayna kawsasqanta, Jehová Diospa saminchayninkunata chaskinanpaq ima ruwasqanta, imayna sumaq kayninkunata qatikunatapas.

Videota qhawasqanchis qhepata kutichisun kay tapuykunata (kaykuna rikhurin DVD nisqapi): 1) ¿Ima mana allinta ruwaranku wakin angelkuna, pikunataq karanku hatuchachaq runakuna otaq nefilim nisqakuna? (Gén. 6:1, 2, 4.) 2) ¿Ima rayku sinchi mana allinman runakuna tukuranku, imaynatataq Dios chayta qhawariran? (Gén. 6:4-6.) 3) ¿Imapin Noé hukniray karan? (Gén. 6:22.) 4) ¿Imayna wañuchisqa karan millay runakuna? (Gén. 6:17.) 5) ¿May hatuntaq arcari karan? (Gén. 6:15.) 6) ¿Imatawanmi Noé ruwaran, imaynatataq runa kutichiran? (Mat. 24:38, 39; 2 Ped. 2:5.) 7) ¿Sapanka animalkunamanta hayk’an arcaman haykuran? (Gén. 7:2, 3, 8, 9.) 8) ¿Hayk’a p’unchaytan pararan, hayk’a tiempotaq Hallp’a unuq millp’usqan karan? (Gén. 7:11, 12; 8:3, 4.) 9) ¿Ima rayku familiantin Noé qespichisqa karan? (Gén. 6:18, 22; 7:5.) 10) ¿Maypin arca tiyaykuran? (Gén. 8:4.) 11) ¿Imaynatan Noé yacharan arcamanta lloqsinanña kasqanta? (Gén. 8:6-12.) 12) ¿Imatan Noé ruwaran arcamanta lloqsispan hina? (Gén. 8:20-22.) 13) ¿Imatan representan k’uychi? (Gén. 9:8-16.) 14) ¿Imataq ‘Diospa munayninta ruwaspallapuni kawsayri’? (Gén. 6:9, 22; 7:5.) 15) ¿Imatan ruwananchis Paraisopi Noewan tupananchispaq? (Mat. 28:19, 20; 1 Ped. 2:21.)

¿Imaynatan hunt’aq sonqo kasukuq Noemanta yachasqanchis yanapawasunman ‘Diospa munayninta ruwaspallapuni kawsanapaq’, serviqninkunata qespichinanpaq atiyninpi confiananchispaqpas? (Gén. 7:1; Pro. 10:16; Heb. 11:7; 2 Ped. 2:9.)