Huñunakuy Wasikuna hatarichiyqa ancha allin ruwaymi servicionchispi
1. ¿Huñunakuy Wasi hatarichiypi maytañataq ruwakun, ichaqa imaraqmi necesitakun?
1 Ecuador, Perú, Venezuela, Colombia sucursalkunaq territorionpi kay pisqa qhepa watakunapi hatarichikuran 505 Huñunakuy Wasikunata, allichakurantaq 150 Wasikunata. Anchatan agradecekunchis Grupos de Construcción de Salones del Reino nisqapi llank’aq wayqe-pananchiskunata, yanapaqninkunatapas. Askhataña ruwakun chaypas, askharaqmi kashan Huñunakuy Wasikuna hatarichinapaq llank’ayqa. Chhaynaqa, ¿Jehová Diosta serviyninchispi imaynatan yanapasunman kay ancha allin ruwaypi? (Apo. 7:15.)
2. ¿Imaynatan yanapakusunman Huñunakuy Wasi hatarichiypi?
2 Sonqomanta yanapakusun: Bautizasqa publicadorña kanki chayqa, mink’akuykiku Solicitud para el programa de voluntarios de construcción de Salones del Reino nisqata hunt’aspa, Grupo de Construcción de Salones del Reino nisqata yanapanaykipaq (Sal. 110:3). Llapan yanapakuqkunaqa sonqomanta llank’ayta munananku (Sal. 133:1). Wasi hatarichiyta manaña yachankichu chaypas, yanapawaqmi chay ruwaykuna allin kananpaq. Ahinapin wakichisqa kawaq, qhepaman aswan allinta llank’anaykipaq.
3. ¿Imakunatawan ruwaspan yanapasunman chay llank’aypi?
3 Manachus qan kikiyki yanapayta atinki chayqa, yanapakuwaqmi atiqkunata kallpachaspa. Yaqapaschá congregacionpi paykunaq ruwananta ruwawaq Huñunakuy Wasi hatarichiypi llank’ashanankukama. Ancianokunapas ñawpaqmanta allichananku yanapakuqkunaq llank’anankuta, chhaynapin congregacionqa mana sintikunqachu. Jehová Diosqa kusikunmi llapallanchis Reinonpaq llank’aypi yanapakuqtinchis (Heb. 13:16).
4. ¿Imaynata kallpachasunman Huñunakuy Wasi hatarichiqkunata?
4 Kallpachaq kasun: Yupaychana Wasi hatarichiyqa tiempopaqtaq kallpapaqtaq. Chaymi yanapakuqkunaqa mayninpi mana huñunakuyman riyta atinkuchu. Chay hinaqa, atisqanchisman hina kallpachananchis yanapakuqkunata, paykunan anchata kallpachakushanku kay necesario “ruwaypi” (Hech. 6:3; Rom. 14:19).
5. ¿Imaynatan allin yuyayniyoq kasqankuta rikuchinku yanapakuqkuna?
5 Allin yuyayniyoq kasun: Aswan chaniyoq ruwananchisqa Diospa Reinonmanta predicaymi (Mar. 13:10). Kayta yachaspan, Grupos de Construcción de Salones del Reino nisqapi llank’aqkunaqa, allichananku yanapakuqkuna huñunakuyninkuta ama saqenankupaq. Hinallataq yanapakuqkunapas kallpachakunanku allin yuyaywan ruwanankuta hunt’anankupaq. Sichus huñunakuyman mana rinqakuchu chayqa, ñawpaqmanta allichananku congregacionpi ruwanankuta paykunaq rantinta huk ruwananpaq.
6. ¿Ima allinkunan kanqa, Jehová Dios yupaychay wiñananpaq congregación huk-nisqalla llank’aqtin?
6 Apóstol Pablon niran: Congregacionpi wayqe-panakunaq kuska llank’asqankuqa, ‘llapa cuerpo munakuypi aswan-aswanta wiñananpaqmi’, nispa (Efe. 4:16). Chhaynaqa, Jehová Diosta, cheqaq yupaychaynintawan munakuspanchismi predicanchis, Huñunakuy Wasikuna hatarichiypipas yanapanchis.