Allin yuyaymananapaq video
“Kay videoqa allintapuni yuyaymanachisunki.”
“¡Sonqoymanpuni chayaruwan!”
“¡Sonqoyta llanllarichin!”
1 Chhaynatapaschá qanpas niranki Los jóvenes preguntan... ¿Cómo conseguir amigos verdaderos?, nisqa videota chayllaraq qhawashaspa. Qayna watakunallapin huk wayna sasachakuykunapi tarikusharan mana allin amigonkuna rayku. Chaykunan cheqaq-kaymanta Jehová Diosmantapas karunchachiran. Chayllamanmi lloqsimuran Amigos verdaderos, nisqa video. Kay wayna nin: “Yapa yapamanta qhawaspaymi waqarani. Tiempollanpi yanapawasqanmanta Jehová Diosta anchata agradecekurani”, nispa. Kay videon yanaparan kawsayninta t’ikrananpaq allin amigokunata tarinanpaqpas. Kay wayna nillantaq: “Qankunaqa yachankichismi wayna-sipaskuna imaynapi tarikusqanta”, nispa. Tayta-mamakuna, wawakuna, kallpachakuychis familiantin estudiasqaykichispi kay videota hukmanta qhawanaykichispaq, sapanka t’aqayninta qhawayta tukuspataq sayaychis, hinaspa llapallaykichis kaypi kaq tapuykunata sonqomanta kutichiychis ama p’enqakuspa.
2 Qallariynin: ¿Imaynan cheqaq amigo kanman? (Pro. 18:24.)
3 Amigota tarinapaq sasachakuykuna: ¿Imatan ruwawaq hukkunamanta ama t’aqakunaykipaq? (Fili. 2:4.) ¿Ima rayku kallpachakunayki allin runa kanaykipaq, pin yanapasunkiman? ¿Iman yanapasunkiman amigokunata tarinaykipaq, maypin tariwaq? (2 Cor. 6:13.)
4 Diospa amigon kay: ¿Imaynatan Jehová Diosman astawan asuykuwaq, ima raykun allinpuni chay kanman? (Sal. 34:8.) ¿Pikunan aswan allinta yanapasunkiman Diospa amigon kanaykipaq?
5 Mana allin amigokuna: ¿Pikunawan mana huñunakunaykichu? (1 Cor. 15:33.) ¿Imaynatan mana allin amigokuna espiritualpi urmachisunkiman? ¿Dinamanta Bibliaq willakusqan imatan yachachisunki? (Gén. 34:1, 2, 7, 19.)
6 Dramamanta: ¿Taraq sapallan tarikusqan imamanmi tanqaran? ¿Taraq nisqanman hina ima raykun amigota ruwasharan escuelapi kaq masinkunawan? ¿Ima sasachakuykunaman churaran chay amigonkuna? ¿Ima rayku tayta-maman mana repararanchu sasachakuypi tarikusqanta, ichaqa imayna sonqowan yanaparanku espiritualpi allinyananpaq? ¿Imaynata huk precursora rikuchiran Taraq cheqaq amigan kasqanta? ¿Ima rayku cristianokuna kasukunanchis Proverbios 13:20, Jeremías 17:9 textoq nisqanta? ¿Imatan Tara yacharan ruwasqanmanta?
7 Tukukuynin: ¿Imakunatan kay video yachachisunki? ¿Imaynatan hukkunata kay videowan yanapawaq? (Sal. 71:17.)