Runakunata yanapasun Diospa amigon kanankupaq
1 Llapa suyu runakunan Jehová Diospa ñanninkunamanta yachashanku (Isa. 2:2, 3). Ichaqa ‘pacienciawan rurunankupaqqa’ Jehová Diostan munakunanku (Luc. 8:15; Mar. 12:30). Mana munakuy kaqtinqa, manan kallpanku kanmanchu millay kaqkunata saqespa allin kaqkunata ruwanankupaq. Mosoqkuna Jehová Diospa amigon kanankupaqqa yanapananchismi Diospa sumaq kayninkunata astawan munakunankupaq. Chaymi kallpachananchis Acerquémonos a Jehová nisqa libroq yachachiyninpi yuyaymananankupaq.
2 Ejemplo kay: Ruwayniykin Biblia estudiaqpa sonqonta allin ruwayman tanqanqa. Sichus Jehová Diospa amigon kasqaykita anchata valoranki, chayman hinataq kawsanki chayqa, paypas munanqan Diospa amigon kayta (Luc. 6:40). Chhaynaqa, ejemplonchismi hukkunata yanapanqa rimayninchismantaqa.
3 Tayta-mamakunapas ejemplonkuwanmi wawankuta aswan allinta yachachinkuman (Deu. 6:4-9). Huk qosa warminwan wawankuta cheqaq-kaypi uywayta munaspanku allin uywaq tayta-mamakunawan yuyaychachikuranku imaynatachus ruwanankupaq. Paymi niran: “Lliwmi niwaran ejemplowan yachachinaypaq”, nispa. Chhaynaqa, imayna kawsasqankuwanmi tayta-mamakunaqa wawankunaman ejemplota qonanku imachus ‘Diospa amigon’ kay kasqanta yachanankupaq (Sant. 2:23).
4 Sonqomanta mañakuy: Jehová Diospa amigon kanankupaqqa yachachinallanchistaqmi sonqomanta mañakuyta. Bibliapi qhawachisunman Jesuspa Yayaykupi imayna mañakusqanta, hukkunaq tukuy sonqo mañakusqantapas (Mat. 6:9, 10). Imayna mañakusqanchiswanpas yachachillasunmantaqmi wawanchiskunata Biblia estudiachisqanchiskunatapas, chhaynapin paykunaqa reparanqaku Jehová Dios munakusqanchista. Yachachillaytaq sasachakuykunapi tarikuqtinku ‘Diosmanta mañakushanallankupaq’ (Rom. 12:12). Sasachakuypi tarikuspanku Jehová Diospa yanapayninta chaskisqankuman hina yachanqaku Payman hap’ipakuyta, amigonta hina munakuytapas (Sal. 34:8; Fili. 4:6, 7).