¿Ima llank’aytan akllakunki?
1 Wawakunatan tapullankupuni: “Hatun kaspayki, ¿imatan ruwayta munawaq?”, nispa. Wawa kashaspayki, ¿niwaqchu karan: ñoqaqa kasaq uywa michiq, otaq bombero, otaq superintendente de circuito, nispa? Warmi wawa kashaspari, ¿niwaqchu karan: ñoqaqa kasaq allin tusuq, otaq enfermera, otaq misionera, nispa? Kunanqa, waynañataq otaq sipasñataq kanki chayqa tapukunayki: “¿Ima llank’aytan akllakusaq?”, nispa. ¿Preparasqañachu kashanki chayta akllakunaykipaq?
2 Aswan allin kaqta akllakunaykipaqmi Jehová Diospa llaqtan ruwamun Los jóvenes preguntan... ¿Qué haré con mi vida? (Wayna-sipaskuna tapukunku... ¿Ima llank’aytan akllakusaq?) nisqa videota. Qhawaypuni chay videota, yuyaymanaytaq rikusqaykipi, chaypin rikunki Drama, entrevistas, información extra nisqakunata. “Menú principal” nisqapin tarinki chay listata.
3 Drama: Dramata qhawashaspaqa kaykunata tapukuy: (1) ¿Imapin tupanku Timoteowan Andywan? (Hech. 16:1; 1 Tim. 4:8; 2 Tim. 1:5.) (2) ¿Imaynatan Andyta mat’ipayaranku allin pukllaq kananpaq? ¿Pitaq mat’ipayaran? (3) ¿Pikunan Timoteota Andytapas kallpacharanku? ¿Imaynatan chayta ruwaranku? (2 Tim. 1:1-4; 3:14, 15.) (4) Mateo 6:24, Filipenses 3:8 textokuna, ¿imaynata Andyta yanaparan? ¿Imaynatan qantapas yanapasunki?
4 Selección de escenas (escenakunata akllanapaq): Drama qhawayta tukuspa, wakmanta qhaway kay escenakunata, kutichiytaq tapuyninkunata. “Pablo y Timoteo” (Pablowan Timoteowan): ¿Ima nispa apóstol Pablo tukukuypi Timoteota yuyaycharan? (2 Tim. 4:5.) “Dar el máximo a Jehová” (Jehová Diospaq tukuy sonqowan llank’ay): Diospaq llank’asqaykipi, ¿imakunatan aypayta munanki? “La decisión de servir a Jehová” (Jehová Dios serviyta akllakuy): ¿Imata ruwaspan kusisqa kawsawaq? “Palabras de la abuela” (hatun mamanpa nisqan): ¿Ima rayku mana maskhanachu Saqraq kamachisqan pachapi allin reqsisqa kayta? (Mat. 4:9.) “No me arrepiento” (manan pesapakunichu): ¿Ima yachaymi yanapasunki allin suyakuyniyoq kanaykipaq? (Pro. 10:22.)
5 Entrevistas (wayqe-panakunata tapukusqan): Videopi sapanka parteta qhawaspayki, ¿reparankichu imakunata ruwawaq Jehová Diosman aswan allin kaqta qonaykipaq? (1) “¿Diosmanchu qokunki, icha kay pachapi yanqa ruwaykunamanchu?” (1 Juan 2:17.) (2) “Predicaspa kusikuy.” (Sal. 27:14.) (3) “Jehová Diospa llank’ananpiqa askhan ruwana kashan.” (Mat. 6:33.)
6 Al mirar atrás (ñawpaqpi ruwasqata yuyarispa): ¿Kay tapuykunata kutichiwaqchu? (1) ¿Ima llank’aytan wayqenchispas pananchispas akllakusqaku? ¿Ima rayku? (2) ¿May tukuytan chay llank’aypi ñawparisqaku? (3) ¿Iman kawsayninkuta t’ikraran? (2 Cor. 5:15.) (4) Ñawpaq llank’ayninkuta saqespa, ¿imaynatan Diospaq llank’ayta qallariranku, imarayku manaña iskayninpi llank’ayta atirankuchu? (5) ¿Ñakapakurankuchu ñawpaq llank’ayninkuta saqesqankumanta? (6) ¿Paykunaq ima nisqanku allinta yuyaymanachisunki kawsayniykipi ima llank’ayta akllakunaykipaq?
7 Otras entrevistas (hukkunatapas tapukusqan): Jehová Diospaq aswan allinta llank’anaykipaq, ¿imakunatan kay partepi yacharanki? (1) “Bibliata sapa p’unchay t’aqwiyqa ancha allinpuni kasqanta.” (2) “Diospa siminta imaymanamantan willasunman.” (3) “Betel wasipi llank’aymanta.” (4) “Escuela de Galaad nisqamanta.” (5) “Escuela de Entrenamiento Ministerial nisqamanta.” (T’aqwiy “Índice de temas relacionados” nisqata, leeytaq mayqenchus qanpaq hina kasqanta.)
8 ¿Yachankiñachu ima llank’ay akllakunaykita? Apóstol Pablo Timoteota niran: “Chaykunataqa makillapuni ruway, chaykunaman k’askakuy, ahinapin iñiypi wiñasqaykita lliwpas sut’ita rikunqaku”, nispa (1 Tim. 4:15). Kallpachaykikun kay videopi qhawasqaykiman hina ruwanaykipaq. Jehová Diospa yanapayninta mañakuy allin kaq llank’ayta akllakunaykipaq, chay hinapin kunanpas hamuq tiempopipas kusisqa kawsanki.
[6 paginapi recuadro]
MENÚ PRINCIPAL
Ver drama
Escenas (11 selecciones)
Entrevistas
Ver todas
Secciones (3 selecciones)
Al mirar atrás...
Extras
Otras entrevistas
Índice de temas relacionados
Subtítulos
Para sordos
Ninguno
Menú nisqaman haykunaykipaqqa Más ▶, ◀ Volver, Menú principal nisqakunata ñit’iy.