Mana hayk’aq predicakusqanta hinan teqsimuyuntinpi predicakushan
Jehová Diospa testigonkunaqa wasapanchisñan pachak watata huk nisqalla allin willakuykunata predicaspa (1 Cor. 9:23). Mana hayk’aq predicakusqanta hina teqsimuyuntinpi predicasqanchiswanmi runakunaqa allin willakuykunata askha simikunapi uyarishanku iskay pachak kinsa chunka suyukunamanta aswanraq (Mat. 24:14). ¿Imaraykun allinpuni chay ruway? ¿Imaynatan teqsimuyuntinpi chayta ruwakushan?
Los testigos de Jehová: organizados para predicar las buenas nuevas nisqa videopin willakushan teqsimuyuntinpi imayna llank’asqanchismanta. Chay videota qhawaqtiyki hina kutichiy kay tapuykunata: (1) ¿Imayna allichasqa kashan llank’ayninchis, imaynata aparikun? (2) ¿Imaynatan Departamento de Redacción, Servicios de Traducción, Arte Servicios de Audio Video nisqakuna yanapan allin willakuykunata predicanapaq? (3) ¿Imapaqmi qelqakunata ruwakushan, askhanpipas rakikushan? (Juan 17:3.) 4) ¿Hayk’a qelqakunatan huk watapi ruwakun? (5) ¿Imaynatan yanapashan Bibliamanta yachachiq qelqakuna? (Heb. 4:12.) (6) ¿Imaynatan yanapakushan ñawsakunata, roqt’ukunata Bibliamanta yachanankupaq? (7) ¿Ima qolqewanmi gastokunata ruwakun? (8) ¿Imapin yanapawanchis Servicios de Información sobre Hospitales, Departamento de Servicio, Departamento de Asambleas nisqakunapi llank’aqkuna? (9) ¿Imaynatan videopi rikusqayki yanapasunki kaykunata aswan allinta qhawarinaykipaq: (a) Jehová Diospa llaqtan allin willakuykunata willananpaq kallpachakusqanta? (b) teqsimuyuntinpi Betel wasipi llank’aqkunata? (c) superintendentekunata, misionerokunata yachachinapaq escuelakunata? (d) sapa p’unchay texto leeyta, sapa semana huñunakuykunapaq preparakusqanchista? (e) huñunakuykuna allinninchispaq kasqanta? (f) kay Hallp’a paraisoman tukupuqtin imayna kananta? (Isa. 11:9.) (g) sapankanchis predicacionpi yanapakusqanchistapas? (Juan 4:35.)
¿Imaninku videopi rikusqankumanta familianchiskuna, reqsisqanchis runakuna, allin sonqoyoq runakuna, Biblia estudiaqkunapas? ¿Rikuchiwaqchu kay videota hukkunamanpas allin willakuykunata willanaykipaq? (Mat. 28:19, 20.)