Jesuspa Wañusqanta Yuyarina huñunakuypaq yuyarichiykuna

Jesuspa Wañusqanta Yuyarinapaqmi Congregacionpi umalliqkuna kaykunata allichananku . . .

◼ . . . Inti haykuy qhepataña t’antatapas vinotapas haywanankupaq.

◼ . . . ñawpaqmanta t’antatapas, vinotapas allichanankupaq (qhawariychis 2003 wata 15 febrero La Atalayata, 14, 15 paginakunata).

◼ . . . ñawpaqmanta mantelniyoq allin mesapi platokunata, copakunatapas churakunanpaq.

◼ . . . ñawpaqmanta allinta Huñunakuna Wasita otaq alquilasqa localtapas pichanankupaq.

◼ . . . ñawpaqmanta acomodadorkunata, t’antata, vinota haywaqkunatapas akllanankupaq, yuyarichinankutaq ima ruwanankuta, allin p’achakunankutapas.

◼ . . . hawisqa cristianokuna onqospa huñunakuyman mana hamuyta atiqtinkuqa ñawpaqmanta allichakunan t’antatapas vinotapas haywanankupaq.

◼ . . . askha congregacionkuna kaq Huñunakuy Wasillapi huñunakuqtinqa, allinta rimanakunanku ima horapi huñunakunankupaq, chhaynapi p’acha waqaychanapipas, veredakunapipas, punkupipas, carro waqaychanapipas mana tanqanakunankupaq.

◼ . . . alquilasqa localpi allin sonido kanan, llapa huñunakuyman hamuqkuna discurso qoqta allinta uyarinankupaq.