Imaynatan revistakunata munachina

Qhawaq 1 de agosto

“¿Imaynatan kutichiwaq kay tapukuyta? [Leey revistaq ñawpaq paginanpi kaq tapuyta, uyariytaq kutichisqanta.] Pi munakusqanchispas wañupuqtin anchataña llakikunchis chaypas, Biblian niwanchis imaynata chay llakikuyninchista pisiyachisunman chayta [leey Salmo 55:22]. Kay revistan willashan imatan hamuq tiempopi Dios ruwanqa wañupuq familiankumanta llakikuqkunapaq chayta.”

¡Despertad! Agosto

“Askha runakunan llakikushanku kay tiyasqanchis pacha q’oñirisqanmanta, ¿atinkumanchu gobiernokuna chay allichayta? [Uyariy kutichisqanta chaymanta leey Jeremías 10:23.] Anchatan kusikunki kay revistata leespa; kaypin willakushan imatan Dios ruwanqa kay tiyasqanchis pacha mana tukukunanpaq chayta.”

Qhawaq 1 de septiembre

“Kay llaqtanchispi llapallanchis Jesuspa kay yachachisqanman hina kawsasunman chayqa, ¿aswan allintachu kawsasunman? [Leey Mateo 6:14, 15 textota, chaymanta uyariy kutichisqanta.] Askha runakunan ninku: ‘Manan allinchu runamasiykiq huchanta pampachayqa’, nispa. Kay revistapin willawanchis imayna sonqoyoq kananchis runamasinchispaq chayta.”

¡Despertad! Septiembre

“Ñawpaqmantapachan runakuna tapukuranku: “¿Wañupuqkuna kawsashankumanraqchu?”, nispa. ¿Imaninkitaq chaymanta? [Uyariy kutichisqanta.] Qhawariy imaniranmi chaymanta Job, payqa Dios sonqo runan karan [leey Job 14:14, 15]. Kay revistan Bibliaq nisqanman hina willan wañupuqkuna kawsashankumanraqchus chaymanta.”