Tapuykuna

◼ ¿Iskayninkuchu tayta mamakuna informenkupi churananku wawankuman estudiachisqanku tiempota?

Familiapiqa taytan churasqa kashan wawakunata Jehová Diosmanta yachachinanpaq; ichaqa mamapas yachachinanmi wawakunataqa (Efe. 6:4). Chayraykun Biblia nin: “Churilláy, uyariy taytaykiq yachachiyninta, kasukullaypuni mamaykiq yachachisqasuykita”, nispa (Pro. 1:8). Taytamamakunaqa sapa semanan wawankuwan Bibliata estudianku.

Ñawpaqpiqa taytamamakuna iskayninkuña wawankuta yachachiranku chaypas, taytallan (otaq mamallan) yachachisqan tiempomanta informeta qoq. Ichaqa manan chhaynañachu kanqa. Sichus esposapas qosanta yanapan mana bautizasqa wawankuta sapa semana yachachisqanpi chayqa, yupanmanmi huk horata sapa semanamanta. Tayta mamakunaqa manan huk horallatachu wawankuta semanapi yachachinku, aswanpas sapa kutillanmi yachachinku (Deu. 6:6-9). Informenchispiqa churanchis runakunaman predicasqanchis tiempotan; chaymi wawaykikunata askha horataña, askha kutitaña, sapanka-sapankamantaña yachachinki chaypas, huk horallata informeykipi churanayki sapa semanamanta. Chaymantapas huknillankun (taytapas otaq mamapas) informenkupi huk estudiota churananku, sapa semanamantataq huk revisita nisqata.