Imaynatan revistakunata munachina

Qhawaq 1 de octubre

“Yaqa llapa runakunan yachanku Jesuspa kay nisqanta [leey Mateo 6:9]. Askhan ichaqa Diosta mana Taytankupaq hinachu qhawarinku. ¿Imaynatan payta reqsisunman? [Uyariy kutichisqanta.] Kay revistapin willashan hanaq pachapi kaq Taytanchis imayna kasqanta hinallataq payta allinta reqsinapaq ima ruwanamantawan.”

¡Despertad! Octubre

“Religionkunaqa manan kaqllatachu yachachinku Dios imayna kasqanmanta. Ichaqa, ¿imanirantaq Jesusri? Chaypaq qhawarisun Juan 4:24 textoq ima nisqanta [leey chay textota]. Kay revistan iskay paginakunallapi Bibliaq nisqanman hina willashan Dios imayna kasqanmanta.” 24, 25 paginakunapi kaq yachachikuyta qhawarichiy.

Qhawaq 1 de noviembre

“Kay tiempopiqa imaymanan cambiashallan, chaymi yaqa llapa runakuna manchasqa kashanku. Chhaynaña kaqtinpas, ¿iman qanta yanapasunki kusisqalla kawsanaykipaq? [Uyariy kutichisqanta.] Kay textota leepusayki [leey Isaías 65:17]. Kay revistan yachachishan qhepa tiempomanta, chaymi yanapasunkiman qhepa tiempota allinpaq qhawarinaykipaq”.

¡Despertad! Noviembre

“Yaqa llapa runakunan piensanku kusisqa kawsanapaqqa qhapaq kay allin kasqanta. ¿Qanri imaninkitaq? [Uyariy kutichisqanta.] Bibliaq nisqanman hina ¿iman kusichiwasunman? Chaypaq qhawarisun huk textota [leey Salmo 1:1-3]. Kay revistapin willashan kusisqa kawsanapaq ima ruwanamanta.” Soqta paginapi kaq yachachikuyta qhawarichiy.