Astawan predicananchispaq kallpachakusun
1. ¿Ima ruwanapaqmi astawan kallpachakunanchis? ¿Imaraykun chayta ruwananchis?
1 Askha runakunaq allin willakuykunamanta astawan yachay munasqankuta reparaspan, Jesusqa qatikuqninkunata niran: “Chakrayoqta valekuychis cosechanman llank’aqkunata kachamunanpaq”, nispa (Mat. 9:37, 38). Cosechana tiempo tukukapushanñataq chayqa, astawanmi llank’ananchis kashan. Chaypaqmi Diosmanta mañakuspa qhawarikunanchis chaypi astawan llank’ananchispaq imatachus ruwasunman chayta (Juan 14:13).
2. ¿Imaynatan wakin cristianomasinchiskuna predicayninkuta yaparanku?
2 Predicayninkuta yapanku: Askha iñiqmasinchiskunan Jehová Diospa yanapayninwan predicayninkuta yaparanku precursor kaspa (Sal. 26:2, 3; Fili. 4:6). Wakintaq watapi huk killallapas precursor auxiliar kanankupaq kallpachakuranku. May allinmi chay ruwasqankuqa karan. Chaymi paykunamanta askha kallpachakushanku precursor regular kanankupaq (Hech. 20:35).
3. Sichus precursor karanki chayqa, ¿imatan kunan ruwawaq?
3 Wakmanta precursor kay: Sichus ñawpaqpi precursor karanki chayqa, kusikuywanchá yuyarinki chhayna llank’asqaykita. Chhaynaqa, allinmi kanman wakmanta precursor kanaykipaq Jehová Diosmanta mañakuy. Manapaschá imapas hark’asunkiñachu chay sumaq llank’aypi wakmanta tarikunaykipaq (1 Juan 5:14, 15).
4. ¿Ima ruwaypin llapallanchis yanapakusunman?
4 Cosechaqa tukukapunanpaqñan kashan, chaymi llapallanchis imaynapi tarikusqanchista qhawarispa kallpachakunanchis astawan predicananchispaq (Juan 4:35, 36). Manachus predicayninchista yapayta atinchis chayqa, kallpachakunanchismi aswan allinta predicananchispaq (Mar. 12:41-44). Chhaynaqa, Jehová Dioswan yanapachikullay precursor kanaykipaq. ¡Ima munaymi chay llank’ayqa! (Sal. 110:3.)