¿Predicanaypaq hinachu kashani?

1. ¿Iman yanapawasun mana manchakuspa predicanapaq?

¹ Chhaynatapaschá hayk’aqllapas tapukurqanki, ichaqa ama pisipaychu. Diosta servinapaqqa manan allin educacionniyoqraqchu nitaq allin yachayniyoqraqchu kana. Jesuspa qatikuqninkunapas ‘mana estudioyoq runakunallan’ karqanku, chaypas allin predicaqmi karqanku Jesuspa ejemplonta qatikusqankurayku (Hech. 4:13; 1 Ped. 2:21).

2. Jesuspa imayna yachachisqanmanta willay.

² ¿Imaynatan Jesús yachachiq? Jesusqa entiendey atiytan imatapas yachachiq, runakunaq ruwanankupaq hinalla. Chaymi paykunaqa tukuy yuyaywan uyariqku yachachikuyninkunata, rikch’anachiy siminkunata, tapukuyninkunatapas (Mat. 6:26). Jesusqa tukuy sonqowanmi runakunapi interesakuq, mana manchakuspataq llapa ruwanankunata hunt’arqan Jehová Diospa yanapayninwan (Mat. 14:14; Luc. 4:18).

3. ¿Imaynatan Jehová Dios yanapawanchis predicananchispaq?

³ Jehová Diosmi yanapawanchis. Simin Qelqawan llaqtanpiwanmi Jehová Diosqa yachachiwanchis allinta predicananchispaq (Isa. 54:13). Paymi qelqachirqan Jesuspa imayna yachachisqanmanta, chaykunatan estudiananchis Jesús hina yachachinanchispaq. Chaymantapas huñunakuykunapin yachachiwanchis, santo espirituntataq qowanchis (Juan 14:26). Allin predicaq iñiqmasinchiskunapas yanapawasunmanmi allin yachachiq kananchispaq.

4. ¿Imanaqtinmi nisunman: “Atisaqmi predicayta”, nispa?

⁴ Chay hinaqa ama pisipasunchischu, atiq kasqanchisqa “Diosmantan hamun” (2 Cor. 3:5). Sichus Jehová Diospi confiasun, qowasqanchiskunawantaq yanapachikusun chayqa, tukuy allin kaqkunata ruwanapaqmi allin-allin preparasqa kasun (2 Tim. 3:17).