‘Ama [...] manchakuychu’
1. ¿Ima sasachakuykunapin rikukusunman Jeremías hina?
1 Jeremiasmi profeta kananpaq kamachikuyta chaskispa sasapaq chay llank’ayta qhawarirqan. Jehová Diosmi ichaqa munakuywan nirqan: ‘Ama [...] manchakuychu’, nispa. Chay qhepamantaq kallpacharqan chay llank’ayta hunt’ananpaq (Jer. 1:6-10). Yaqapaschá ñoqanchispas predicayta sasapaq rikusunman mana hunt’ayta atinapaq qhawarikusqanchisrayku otaq manchapakuq kasqanchisrayku. Chaykunan hark’awasunman runakunaman predicananchispaq. ¿Iman yanapawasun manchapakuq kayta atipanapaq? ¿Ima allinkunan chaykunamanta kanqa?
2. ¿Imaynapin allin preparasqa kay yanapawasunman manchapakuyta atipanapaq?
2 Ñawpaqmanta preparakuna. Allinta preparakuymi yanapawasun manchapakuyta atipanapaq. Sichus ñawpaqmanta preparakusun runakunaq sasa tapukuyninkumanta chayqa, yachasunmi imayna kutichiyta (Pro. 15:28). Yaqapaschá Familiantin Diosta Yupaychana Ch’isipi ensayawaqchis predicasqaykichispi otaq escuelapi tapukusqankuman imayna kutichinaykichispaq (1 Ped. 3:15).
3. ¿Imaraykun Diospi hap’ipakunanchis mana manchapakunapaq?
3 Jehová Diospi hap’ipakusun. Diosmi prometewanchis yanapawananchispaq, chayta suyakuymi manchapakuypaq hampi hina (Isa. 41:10-13). Chayta yachaymi astawanqa kallpachawanchis. Hinaspapas Jesuspunin nirqan predicasqanchispi sasa tapuykuna kaqtin santo espíritu yanapawananchista (Mar. 13:11). Chaymi sapa kuti Jehová Diospa yanapayninta mañakunanchis (Luc. 11:13).
4. ¿Ima allinkunan kanqa sasachakuykuna kashaqtinpas predicashallaqtinchis?
4 ¿Ima allinkunan kanqa? Sasaña kashaqtinpas predicashallasun chayqa manchapakuyninchistan atipasun, manataqmi iskayasunchu ruway atisqanchismanta, chaykunan rikukun santo espirituq hunt’aykusqan runakunapi (Hech. 4:31). Chaykunan preparawasun qhepaman sasachakuykuna hamuqtin qaqata sayananchispaq. Diospa yanapayninwanmi manchapakuyninchista atipasun, iñiyninchismi wiñanqa, astawantaqmi Diospa yanapayninta suyakusun (Isa. 33:2). Hinaspapas kusisqan kasun hanaq pachapi Taytanchispa munayninta ruwaspa (1 Ped. 4:13, 14). Chayrayku ama manchakuspa Diospa Gobiernonmanta willashallasun, amataq qonqasunchu Jehová Dios yanapawasqanchista.