Bibliapi willakuykunaqa cheqaqmi

¿Imaynapin yachanchis Bibliapi willakuykuna cheqaq kasqanta? ¿Ima profeciakunaq hunt’akusqanmi rikuchin kay tiempopaq profeciakunapas hunt’akunanta? Chay tapukuykunatan kutichikunqa La Biblia: libro de hechos y profecías nisqa DVD nisqapi, La Biblia: historia exacta, profecía confiable nisqa kinsa kaq videopi. Kallpachaykikun chay videota qhawanaykipaq hinaspa qatimuq tapuykunata kutichinaykipaq:

1) ¿Piqpa yuyaychasqanmi Bibliapi tarikuq willakuykuna? (Dan. 2:28.) 2) ¿Imaynapin yachanchis ñawpa Egipto nacionmanta Bibliaq willasqan cheqaqpuni kasqanta? ¿Imaynapin hunt’akurqan Isaías 19:3, 4 textopi willasqan profecía? 3) ¿Imaynapin arqueólogo runakunaq tarisqanku rikuchin Asiria runakunamanta, reykunamanta, imaynapi tukukapunankumantapas Bibliaq willasqan cheqaqpuni kasqanta? (Nah. 3:1, 7, 13.) 4) ¿Babiloniamanta willaq ima profeciakunan hunt’akurqan? (Jer. 20:4; 50:38; 51:30.) 5) ¿Imaynapin Medopersia nacionmanta willakuq profecía hunt’akurqan? (Isa. 44:28.) 6) ¿Imaynapin Daniel 7:6; 8:5, 8 textokunaq nisqan Grecia nacionpi hunt’akurqan? 7) ¿Imaynatan hunt’akurqan Daniel 7:7 textopi nisqan Roma nación atiyniyoq kapuqtin? 8) ¿Mayqen kamachikuq César nisqakunamantan Biblia willan? 9) ¿Iman cristianokunata sucederqan Nerón kamachikuq kashaqtin? 10) ¿Imaynatan Apocalipsis 13:11; 17:10 textokunapi willasqan profeciakuna hunt’akurqan? 11) ¿Imawanmi tupashan pusaq kaq rey? 12) ¿Videopi imakunata rikusqaykin rikuchin Eclesiastés 8:9 textopi nisqan hunt’akusqanta? 13) ¿Bibliaq willasqan ima profeciakunaq hunt’akunantan munawaq? 14) ¿Imaynatan kay videowan runakunata yachachiwaq Biblia Diospa yuyaychasqanpuni kasqanta?