Tapuykuna

◼ ¿Hayk’aqkaman estudiota qonanchis estudiantekunaman?

Huk estudiante ñawparishan iñiyninpi chayqa, qoshallananchismi estudiota ¿Imatapunin Biblia yachachin? “Diospa munakuyninpi allinta takyaychis” nisqa librokunawan tukunakama. Manaraq chay librokunata estudiayta tukushaspa bautizakunman chaypas qoshanallanchismi estudiota. Ichaqa yupashanallanchismi hayk’a tiempo estudio qosqanchista, revisita ruwasqanchista huk estudiota hinatawan. Huk iñiqmasiwan kuska qosun estudiota chayqa, paypas yupallanqataqmi tiemponta (qhawariy Diosmanta Willasunchis 2009 wata marzo killa, 2 paginata).

Chayllaraq bautizakuqkunaqa iñiyninkupin allin takyasqa kananku. Cristowan ‘hukllachasqan’ kananku iñiyninkupipas allin “saphichasqa”, chhaynapin ima sasachakuytapas atipanqaku (Col. 2:6, 7; 2 Tim. 3:12; 1 Ped. 5:8, 9). Chaymantapas ‘cheqaq-kaqtan’ allinta reqsinanku hukkunata allinta yachachinankupaq (1 Tim. 2:4). Iskaynin librowan yachachispanchismi paykunata yanapashanchis allin ‘ñan kawsayman’ aypanankupaq (Mat. 7:14).

Sichus huk estudiante bautizakuytaña munashan chayqa umallikunan ñawpaqta qhawarinanku allintachus entiendeshan Bibliamanta qallariy yachachikuykunata chayman hinataqchus kawsashan chayta. Astawanqa mayqen estudiantepas manaraq ñawpaq librota tukuqtin. Sichus manaraq bautizakunanpaqchu kashan chayqa umallikunan yanapananku chaypaq hina kananpaq (qhawariychis ‘Riychis yachachimuychis, bautizamuychis’ nisqa folletota 59-62 paginakunata).

[2 paginapi willakuy]

Chayllaraq bautizakuqkunaqa iñiyninkupin allin takyasqa kananku