Iskay qolqechata

Pachantinpi predicay aparikunanpaqmi yanapakullasunmantaq qolqechanchista churaspa. Ichaqa, ¿manapas qolqenchis kanmanchu chayri?

Huk kutinmi Jesús rikurqan huk wakcha viudata iskay qolqechata churashaqta. Jehová Diosta ancha munakusqanraykun “wakcha kayninpi tukuy kawsananpaq kaqta llapanta churaykun” (Mar. 12:41-44). Chayta Jesús reparasqanmi rikuchin Jehová Diospaqqa ancha valorniyoq chay ruwasqan kasqanta. Ñawpa cristianokunaq ruwasqankupas qatikunapaq hinallataqmi. Wakchaña qhapaqña kaspankupas anchatan kusikuqku qoykukuq kaspanku. Macedonia llaqtapi iñiqkunamanta Pabloq nisqan hina “khuyay wakcha kashaspankupas” paykuna kikinkus ‘anchatapuni valekusqaku: Ñoqaykupas iñiqkunata yanapaykuytapunin munayku’, nispa (2 Cor. 8:1-4).

Chhaynaqa, pisi qolqellataña churasun chaypas, llapanchis churasun chayqa askhan kanqa. Sonqomanta qosun chayqa Jehová taytanchistan kusichisunchis, payqa “kusisqa qoqtan munakun” (2 Cor. 9:7).