Uyariwananchispaq hina rimasun
1. ¿Imanaqtinmi allinta preparakuna rimayta qallarinapaq?
1 Pipas mikhunanchispaq invitawaqtinchisqa ñawpaqtan imallatapas malliychiwanchis chay qhepaman gustowan mikhunanchispaq. Chay hinatan predicacionpi rimayta qallarinapaq tiempota t’aqananchis allinta preparakunapaq (Prov. 15:28). Ichaqa mana hayk’a tiempota, nitaq imamanta rimanallanchistachu qhawarinanchis, hukkunatawanmi qhawarinanchis, chaymanta qatiqninpi yachasun.
2. ¿Imaynatan uyariwananchispaq hina preparakusunman?
2 ¿Imakunan runakunaman interesan? Sichus runakunaq mana interesasqanmanta rimasun chayqa, manan uyariyta munawasunchu. Chaymi ñawpaqta qhawarinanchis imakunamanta runakuna rimay munasqankuta. Runakunaqa munankun rimayta allin gobierno kananmanta, familiapi kusisqa kawsaymanta, guerrakuna tukunanmanta, hukkunamantapas. Hinaspapas munankun imachus yuyaykusqankuta rimariyta, chaymi tapusunman paykuna rimanankupaq. Diosmanta Willasunchis qelqapin lloqsimun revistakunata munachinapaq yanapaykuna, chaykunawanmi yanapachikusunman. Chaykunatan ensayasunman Familiantin Diosta Yupaychana Ch’isipi.
3. ¿Imaynatan rimayta qallarisunman imaymana clase runakunawan?
3 Qhawarina costumbrenkuta creenciankutapas. Wakin llaqtakunapiqa kaq raton willanaykita munanku imarayku visitasqaykita. Huk llaqtakunapitaq napaykuspa imayna kashasqanta rimapayanataraq munanku. Bibliata respetaq runakunamanqa Bibliata kicharispan rimayta qallarisunman (Hech. 2:14-17). Ichaqa Diospi mana iñiq runakunamanqa hukpi visitaspañan Bibliamanta rimapayasunman (Hech. 17:22-31).
4. ¿Imakunatan qhawarinanchis rimayta qallarishaspa?
4 Rimayta qallarishaspa. Qallariypi imayna rimasqanchistan allinta qhawarinanchis. Entiendewananchispaq hina pisillata rimananchis. Ichaqa manan ima nisqallanchistachu qhawarinanchis imaynatachus ninchis chaytapas qhawarinanchismi. Kallpachaq hinan rimananchis, asirikuspa rimasun chayqa confianzawanmi uyariwasun. Sichus kaypi nisqanman hina ruwasun chayqa runakunaqa chaskikunqakun “Señorpa mesanmanta” hamuq mikhunata (1 Cor. 10:21).