Tratadonchiskunaqa sumaq ruwasqan kashan
1. ¿Ima qelqakuna hukniray ruwasqa kashan?
1 2013 watapi hatun huñunakuypa temanmi karqan “Simiykiqa cheqaq-kaypunin” nisqa. Chay huñunakuypin phisqa mosoq tratadokunata chaskirqanchis, chay qhepamantaq chaskillarqanchistaq Diospa Gobiernonmanta willakuykuna 38 kaq tratadotawan, chaypa titulonmi ¿Kanqachu kawsarimpuy wañupuqkunapaq? nisqa. Chay soqtantin tratadokunan hukniray ruwasqa kashan sumaqtaqmi rikukunpas. ¿Imarayku huknirayta ruwakamurqan? ¿Imayna ruwasqa kashan? ¿Imaynatataq chhayna ruwasqa kasqanwan yanapachikusunman wasin-wasinta predicaspa?
2. ¿Imayna predicanapaqmi yanapawasun mosoq tratadokuna?
2 ¿Imanaqtinmi hukniray ruwasqa kashan? Wasi-wasinta allinta predicanapaqqa kaykunatan ruwanchis: 1) Wasiyoqmanmi huk tapuytan ruwanchis, chhaynapi rimayta qallarinchis. 2) Bibliamanta huk textota qhawachinchis. 3) Huk qelqata munachinchis leenanpaq. 4) Hukpi kutichinanchispaqtaq huk tapuyta ruwanchis. Mosoq tratadokunaqa chhayna predicanapaqmi ruwasqa kashan.
3. ¿Imaynatan mosoq tratadokunawan predicasunman?
3 Imaynata utilizasunman. Wasiyoqta napaykusqanchis qhepamanmi kaykunata ruwasunman: 1) Chay tratadopi qallariy tapuyta leespa uyarisunman imachus kutichisqanta. 2) Iskay kaq paginapi “Biblia nin” nisqata leesunman, atikuqtinqa qhawachillasunmantaq “¿Imaynapin yanapawanchis chay textoq nisqan?” yachachikuyta. 3) Tratadota saqesunman llapanta leenanpaq. 4) Manaraq ripushaspa tawa kaq paginapi “Tapukuy” nisqata leesunman, hinaspa nisunman: “Hukpi kutimuspa chay tapuymanta yachasunman”, nispa.
4. Yachayta munaq runaman kutispa, ¿imaynatan mosoq tratadokunawan parlarisunman?
4 Wasiyoqman hukmanta kutispaqa, tratadopi “Tapukuy” nisqa uranpi kaq textokunatan leesunman, hinaspa ¡Diosmanta hamuq allin willakuykuna! folletotan qhawachisunman. Tratado saqesqanchispin willashan chay folletomanta mayqen yachachikuypi astawan willashan rimasqaykichis temamanta. Chay temamanta astawan yachayta munaqtinqa folletota saqespan hukpi estudianapaq wasiyoqwan rimasunman. Chhaynapin huk estudiota qallarishanchis. Ichaqa manan chay folletollawanchu parlarisunman, huk tratadotapas saqesunmanmi hukpi kutispa chaymanta parlarinapaq.
5. ¿Imapin tratadokuna yanapawanchis?
5 130 watañan tratadokunawan predicashanchis. Hukniray-hukniray ruwasqaña karqan chaypas yanapawarqanchismi allinta predicananchispaq. Chay hinaqa kay mosoq tratadokunawan yanapachikusun Bibliamanta yachachiykunata runakunaman willamunanchispaq (Prov. 15:7 qallariynin).