Revistakunata munachinapaq

¿Maypin ima tapukusqanchistapas yachasunman?

Wasiyoqman tratadota qoy chaypi kaq titulota qhawananpaq hinaspa niy: “Imaynalla kashanki, kay qelqapin ancha sumaq noticiamanta willashan, chaytan pachantinpi rakimushayku, kayqa qanpaqmi”, nispa.

Wasiyoqta mana tarispaqa huk runakunaq mana rikunanpaq hina tratadota saqey, ichaqa aman sinchitaqa doblankichu.

Astawan yachayta munan chayqa, ñawpaq paginapi tapuymanta imachus yuyaykusqantan tapuwaq. Tratadota kicharispa Salmo 119:144, 160 textota leey, hinaspa niy: “Kay tratadopin willashan internetpi huk direccionmanta, chayman haykuspan imaymana tapukuykunaman Bibliaq kutichisqanta tarinki”, nispa. Wasiyoqpa tiempon kaqtinqa ¿Imaraykun Bibliata estudianayki? videotan qhawachiwaq. Manaraq ripushaspa tratadopi kaq kinsa tapuykunamanta mayqenmanta yachay munasqanta tapuy, hinaspa niy: “¿Hayk’aqtaq kutimuyman jw.org yanapayninwan chay tapukuykunata Bibliawan kutichinapaq?”, nispa. Kutispa chay tapuykunata t’aqwiriychis QELQAKUNA > LIBROKUNA FOLLETOKUNA nisqaman haykuspa.

Sichus chay killapi kinsa p’unchay asambleapaq invitacionta rakillankichistaq chayqa, iskayninta qospa niy: “Kay invitaciontawanmi qoyta munayki, chaypin willashan hatun huñunakuyninku hayk’aq aparikunanta”, nispa.

Qhawaq Julio-Agosto

Atikuqtinqa semana tukuyta Qhawaq revistata munachisun kay hinata nispa: “Kay revistatawanmi saqeyta munayki, 11 paginapin kay tapuyta kutichishan, ‘¿Pin kay pachapi sasachakuykunata allichanqa?’”, nispa.

¡Rikch’ariy! Julio-Agosto

Atikuqtinqa semana tukuyta ¡Rikch’ariy! revistata munachisun kay hinata nispa: “Kay revistatawanmi saqeyta munayki, 10 paginapin kay tapuyta kutichishan, ‘¿Maymanmi wañusqakuna ripunku?’”, nispa.