“Sonqoykichispi waqaychaychis tukuy kay kamachisqaykunata”

Tayta-mamakunaqa oveja michiq hinan kanku. Wawakunaqa oveja hinan waqllipunkuman hinaspa imaymana ñak’ariykunapi rikukunkuman, chaymi tayta-mamaqa ovejata hina wawankuta cuidananku (Prov. 27:23). ¿Imatan ruwananku allin michiq kanankupaq? Tiempotan t’aqananku paykunawan parlashanallankupaq, chhaynallapin yachanqaku sonqonkupi ima kasqanta (Prov. 20:5). Chaymantapas allin materialwan wasita perqashankuman hina, wawankuta yanapananku iñiyninkupi qaqata sayanankupaq (1 Cor. 3:10-15). Estas palabras tienen que estar en tu corazón, nisqa video rikuchishan sapa kuti familiantin Diosta yupaychay may allinpuni kasqanta, chay videota qhawaspa kay tapuykunata kutichiychis.

1) ¿Imaraykun Tomaspas familianpas iñiyninkupi pisiyasharqanku? 2) ¿Imaraykun Tomás mana familianwan estudiota apariyta atirqanchu? 3) ¿Ima ninmi Biblia wawakuna yachachiymanta? (Deut. 6:6, 7.) 4) ¿Iman familiakunata yanapanman mana manchakuspa parlarinankupaq? 5) ¿Imatan mayninpi tayta-mamakuna saqenanku kanqa wawankurayku? 6) ¿Imaynatan Mario Tomasta familiantapas yanaparqan? (Prov. 27:17.) 7) ¿Imaynatan taytakuna preparakunanku familiapi estudio allinta aparikunanpaq? 8) ¿Imatan Tomás ruwarqan familianta iñiyninpi yanapananpaq? 9) ¿Imaraykun mana hayk’aqpas saqenachu familiawan estudiayta? (Efes. 6:4.) 10) ¿Imakunatan ruwakunman familiapi Bibliata estudiaspa? 11) ¿Imaraykun Tomás kuraq wawanta mana phiñakuspalla sut’ita rimapayasqan allinpuni karqan? (Jer. 17:9.) 12) ¿Imaynatan Tomaspas Monicapas ususinkuta yanaparqanku parlasqan waynamanta t’aqakunanpaq? (Mar. 12:30; 2 Tim. 2:22.) 13) ¿Imaynatan Tomaspas esposanpas rikuchirqanku Diospi confiasqankuta? (Mat. 6:33.) 14) ¿Imaynatan kay video yanapan familiapi umallikunata? (1 Tim. 5:8.) 15) ¿Imata ruwanankupaqmi decidikunanku familiapi umallikuna?

TAYTA-MAMAKUNAPAQ: Kay videopi actuacionqa 2011 wata kinsa p’unchay asambleapin lloqsimurqan. Chaypiqa nirqankichá: “Ñoqapas familiapi estudiota aswan allinta aparinaypaq kallpachakusaq”, nispa. Ichaqa kay videota rikuspa, ¿imatawanmi ruwawaq familiaykipi estudio aswan allin kananpaq? Jehová Diospa yanapayninta mañakuy aswan allinta familiaykita yanapanaykipaq, chay hinapin paykunaqa salvakunqaku (Efes. 5:15-17).