Profetakunaq ruwasqanqa allinninchispaqmi: Habacuc
1. ¿Imaraykun ñoqanchispas Habacuc hina sientekunchis?
1 Millay kawsay yapakusqanwanmi ñoqanchispas Habacuc hina sientekusunman, paymi Jehová Diosta tapurqan imarayku millay kawsayta hinallata qhawasqanta (Hab. 1:3; 2 Tim. 3:1, 13). Habacucpa willasqanpi hunt’aq sonqo kasqanpipas yuyaymanayqa yanapawanchismi Diospa p’unchayninta pacienciawan suyakunanchispaq (2 Ped. 3:7).
2. ¿Imaynapin Habacuc hina hunt’aq sonqo kasunman?
2 Hunt’aq sonqo kasun. Habakucqa manan chaywanchu llakisqalla kawsaran, aswanmi iñiyninpi makilla kasharqan (Hab. 2:1). Jehová Diosqa Habacuctan nirqan willasqanqa tiempollanpi hunt’akunanta, chanin runakunapas mana wañuchisqachu kananta (Hab. 2:2-4). ¿Imatan chaymanta yachanchis? Aswan importanteqa manan Diospa phiñakuynin p’unchay hayk’aqchus chayamunanta yachaychu, aswanpas chay p’unchay chayamunanmanta seguro kaymi. Iñiyninchismi kallpachawanchis rikch’asqalla kanapaq, predicacionta ñawpaqman churanapaqpas (Heb. 10:38, 39).
3. ¿Imaraykun Jehová Diosta servisqanchispi kusisqalla kananchis?
3 Kusikuywan Diosta servisun. Magog suyumanta Gog Diospa llaqtanman phawaykuqtinmi iñiyninchis probasqa kanqa (Ezeq. 38:2, 10-12). Guerra kaqtinqa atipaq llaqtapipas kanmi problemakuna; runakunan kaqninkuta chinkachinku, mikhuypas pisin, kawsaypas manañan ñawpaqpi hinañachu. ¿Imatan ruwasunchis chay hinapi tarikuspa? Habacucqa yacharqanmi problemakuna kananta, chaymi payqa decidikurqan Diosta kusisqa servishanallanpaq (Hab. 3:16-19). Diosta servispa kusikuyta tarisqanchismi ñoqanchistapas yanapawasun chay pruebata aguantanapaq (Neh. 8:10; Heb. 12:2).
4. ¿Imata ruwanapaqmi decidisqa kananchis?
4 Jehová Diosqa yachachishallanqan phiñakusqan p’unchaypi pakaykusqan runakunataqa (Hab. 2:14). Kawsarimpuq runakunapas Jehová Diosmantan yachanqaku. Kunanmantapacha decidikusun maypiña kaspapas Jehová Diosmanta ruwasqankunamantawan rimananchispaq (Sal. 34:1; 71:17).