Jobqa pruebapi kaspapas Diostan serviran

Jobqa Uz llaqtapin tiyaran, israelitakuna Egiptopi esclavo kasqanku tiempopi. Manaña israelitachu karan chaypas Jehová Diostan tukuy sonqowan serviran. Payqa askha familiayoq qhapaqmi karan. Payqa llaqtanpin reqsisqa karan yachayniyoq allinta kausaq kasqanwan. Jinaspapas pobrekunatan yanapaq. Payqa Diosta kasukuq runan karan.

Jobpaqqa Jehová Diosta serviymi imamantapas aswan importante karan

1:8-11, 22; 2:2-5

• Saqraqa rikuranmi Jobqa Diosta kasukuq runa kasqanta. Saqraqa manan kasukuq kasqantachu iskayachiran, aswanpas imarayku kasukusqantan.

• Satanaspaqqa Jobqa imatapas chaskinanraykullan Diosta servisharan.

• Chayta probananpaqmi Diosqa Satanasta dejallaran Jobta mana allinkunata ruwananpaq.

• Jobqa Diostan kasukushallaran, chaymi Satanasqa llapa runakunaq junt’aq sonqo kasqantañataq iskayachiran.

• Jobqa manan Diosmantaqa mana allintaqa rimaranchu, nitaqmi problemankunamantapas Diosman tumparanchu.