Kusikuyta tariy predicaspa

¿Sasapaqchu qhawarinki predicaq lloqsiyta? Wakinninchisqa chay jinatan nisunman. Yaqapaschá runakuna mana uyariyta munaqtinku otaq millayta tratawaqtinchis otaq kanman mana reqsisqakunawan mana faciltachu rimasqanchisrayku. Chaykunaqa kusisqa sonqo kayninchistan chinkachinman. Ichaqa ‘kusisqa Diostan’ servinchis, chaymi payqa contento servinanchista munan (Sal. 100:2; 1 Tim. 1:11). ¿Ima kinsa razonkunan kashan predicaspa kusisqa sientekunapaq?

Juj kaq, sumaq suyakuy willakuytan apanchis. Runakunaq suyakuyninqa chinkapushanmi, chaymi sonqonkuta kausarichisuman ‘allin willakuykunata apaspa’ (Is. 52:7). Jinaspapas, Diospa gobiernonmanta allin willakuykunaqa noqanchis kikinchistan kusichiwanchis. Predicaq manaraq lloqsishaspa yuyaymanay Diospa gobiernon kay pachaman sumaq bendicionkuna apamunanpi.

Iskay kaq, willakuy apasqanchisqa runakunatan yanapan vidankupi Dioswan allinpi kanankupaqpas. ¿Imaynapi? Mana allin ruwaykunatan saqepunku, jinaspa atinku wiñay kausay chaskiyta (Is. 48:17, 18; Rom. 1:16). Rescatistapas kasunman jinatan qhawarikusunman. Wakin runakunaqa manaña munankuchu salvananchista chaypas, maskhashallasunmi salvakuy munaqkunata (Mat. 10:11-14).

Kinsa kaq, predicacionqa Jehová Diostan jatunchan, chaymi aswan importante. Payqa anchatan valoran llank’ayninchista (Is. 43:10; Heb. 6:10). Jinaspapas, santo espirituntan qowanchis kay llank’ayta aparinapaq. Chaymi rogakunanchis santo espirituq ruruchisqan kusikuyta qowananchispaq (Gál. 5:22). Jehová Diospa yanapayninwanqa manchapakuyninchista atipaspan valorwan predicasun (Hech. 4:31). Chhaynapin imaynataña runakuna chaskiwasun chaypas, kusikuywan ruwayninchista junt’asun (Ezeq. 3:3).

JUJMANTA KUSIKUYTA TARIRANI NISQA VIDEOTA QHAWASPA, QATIMUQ TAPUYKUNATA KUTICHIY:

• ¿Imaraykun espiritualpi allinta alimentakunanchis killapi askha horataña predicanchis chaypas?

• ¿Imaynatan Mariaq ejemplonta qatikusunman?

• ¿Ima ratokunapin Diospa palabranpi yuyaymananki?

• ¿Iman astawanqa gustasunki allin willakuykuna predicaymanta?