Pascua fiestaqa manan Jesuspa wañupusqanta yuyarina p’unchaytachu representaran, ichaqa askhatan yachasunman Pascua fiestamanta. Ejemplopaq, apóstol Pablon Jesusta comparan juj corderowan, niranmi: “Pascua fiestapaq corderonchis Cristoqa sacrificasqañan kapun”, nispa (1 Cor. 5:7). Ñaupa tiempopiqa corderoq yawarninwan punkukunata marcaspan salvakuranku, chhaynatan Jesuspa yawarninpas runakunata salvan (Éx. 12:12, 13). Chaymantapas Pascua fiestapi corderota wañuchispaqa manan tullunta p’akinankuchu karan. Jesustapas manan mayqen tullullantapas p’akirankuchu, chay tiempopiqa k’aspipi warkusqakunaq tullunta p’akiqkuña chaypas (Éx. 12:46; Juan 19:31-33, 36).