Ama pisipaspa suyakushallasun

¿Jayk’a watakunañan suyakushanki Diospa gobiernon chayamunanta? ¿Pacienciawanchu aguantashanki sasaña kausay kaqtinpas? (Rom. 8:25.) Wakin cristianokunaqa cheqnisqa, mana allin tratasqa, carcelpi wisq’asqa, wañuchinapaq amenazasqa iman tarikunku. Wakinkunataq onqoywan, machuyay payayaywan ima sufrishanku.

¿Imatan ruwananchis imaña pasaqtinpas aguantaspa suyakushanallanchispaq? Bibliatan leenanchis sapa p’unchay chaypitaq piensananchis, Diospa promesankunatapas manan qonqananchischu (2 Cor. 4:16-18; Heb. 12:2). Chaymantapas Jehová Diostan rogakunanchis santo espiritunwan kallpachawananchispaq (Luc. 11:10, 13; Heb. 5:7). Munakuq taytanchisqa yanapawasunmi pacienciawan aguantananchispaq (Col. 1:11).

“AMA PISIPASPA PHAWASHALLASUN”: AMA ISKAYASUNCHU PREMIO CHASKINANCHISMANTA NISQA VIDEOTA QHAWASPA KAY TAPUYKUNAMAN KUTICHIY:

• 

  ¿Imaynapin qonqaylla imapipas tarikusunman? (Ecl. 9:11.)

• 

  ¿Imaynatan yanapawanchis Diosmanta mañakuy pruebakunata aguantananchispaq?

• 

  Sichus manaña ñaupaqpi jinañachu Jehová Diospaq llank’anchis chayqa, ¿imaraykun ruway atisqanchiskunata ruwananchis?

• 

  ¿Iman yanapasunki premio chaskinaykipi confiashanallaykipaq?