¿Imaynatan “runakunawan rimanapaq” nisqawan yanapachikusunman?

“Runakunawan rimanapaq” nisqaqa Diospaq kausasunchis juñunakuypi yachanapaq qelqapin lloqsimuran enero 2018 watamantapacha. ¿Imaynatan chaywan yanapachikusunman Diosmanta willanapaq?

Runakunawan rimanapaq yachachikuykuna. Chay yachachikuypi tapuytan ruwananchis, chaymantataq Bibliamanta textota leenanchis, jujpi kutinapaq tapuytapas ruwananchismi. Ichaqa manan videopi tukuy rikusqanchistachu rimananchis. Chaymantapas juj jinamantan runakunaman Diosmanta willasunman. Jinaspapas yachachinapaq ajllasqa qelqakunamantan jujnin qelqata munachisunman manaña videopi chayta rikuranchischu chaypas.

Diosmanta willaspa. “Runakunawan rimanapaq” nisqaqa imaynatas Diosmanta willasunman chaypaqmi yanapawanchis. Sichus rimapayasqayki runa astawan yachayta munan chayqa, jujmanta kutinapaq yachachikuymantan rimapayawaq. Chaymantapas imamantas uyariqninchis astawan yachayta munan chayman jinan rimapayasunman. Yaqapaschá Diosmanta willasunman ñaupaq killakunapi rimasqanchis tapuykunawan otaq textokunawanpas. Chaymantapas uyariranchispaschá llaqtanchispi imapas pasasqanmanta, chayta willaq tumpallan Diosmanta willasunman. Tukuy chaykunataqa ruwananchis ‘allin willakuykunaraykun, chhaynapin chay willakuykunata lliuman willasunchis (1 Cor. 9:22, 23).