Diosta kasukushallasun tukukuy tiempopi

¿IMARAYKUN CHAYTA RUWANANCHIS? Pisi tiempollamantan musphanapaq jinaraq imaymanakuna pasanqa, chay tiempopin astawanqa tukuy sonqonchiswan Jehová Diospi confiananchis kanqa. Llapa pantasqa religionkuna chinkachisqa kaqtinmi manchay ñak’ariy tiempoqa qallarinqa (Mat. 24:21; Apo. 17:16, 17). Chay tiempopiqa yaqapaschá Diospa juicionmanta runakunaman willananchis kanqa (Apo. 16:21). Jinaspan llapa juñunasqa gobiernokuna Diospa llaqtanman phawaykunqaku (Ezeq. 38:10-12, 14-16). Chaymi Jehová Diosqa llaqtanta pakaykunanpaq ‘jatun guerrata qallarichinqa’ (Apo. 16:14, 16). Chay tiempopi mana manchakuq kananchispaqqa kunanmantapachan kallpachakunanchis imapiña tarikuspapas Diospaq junt’aq sonqo kananchispaq.

¿IMAYNATAN CHAYTA RUWASUNMAN?

• Jehová Diospa kamachikuyninkunatan kasukunanchis (Is. 5:20).

• Hermanonchiskunawan kuska Jehová Diosta adorananchis (Heb. 10:24, 25).

• Usqhayllan kasukunanchis Diospa llaqtanpi kamachikuykunata (Heb. 13:17).

• Ñaupaq tiempopi imaynatachus Diosqa llaqtanta salvaran chaypin piensananchis (2 Ped. 2:9).

• Diosmantan mañakunanchis, tukuy sonqowantaq paypi confiananchis (Sal. 112:7, 8).

JAMUQ TIEMPOPIN VALIENTE KANANCHIS KANQA (WAKILLANTA) NISQA VIDEOTA QHAWASPA KAY TAPUYKUNATA KUTICHIY:

• 

  ¿Ima sasachakuypin hermanonchiskuna tarikuranku iñiq t’aqanku iskayman t’aqasqa kaqtin?

• 

  ¿Imaynatan yanapawasunman mana manchakuq kasqanchis kasukuq kananchispaq?

• 

  ¿Imanaqtinmi Armagedón guerra chayamuqtin mana manchakuq kananchis kanqa?

• 

  ¿Bibliapi ima willakuymi yanapawasunman Jehová Dios llaqtanta salvananpi confiananchispaq? (2 Crón. 20:1-24.)