Ama willasunchu yanqa willakuykunata

Kunan tiempopiqa ratollan runakunaqa imamantapas yacharunku periodicopi, radiopi, televisionpi, internetpipas. Noqanchisqa sut’inta rimaq Diostan adoranchis, chaymi mana willananchischu yanqa willakuykunataqa (Sal. 31:5; Éx. 23:1). Llullakuspa willasqanchisqa jujkunaq sonqontan k’irinman. ¿Imaynapin yachasunman imapas yachasqanchis cheqaqchus manachus chayta? Chaypaqqa tapukunanchismi:

• ¿Cheqaqtachu willawashanku? Wakinqa mana allinta yachaspan imatapas willawasunman. Jujpa willasqanta willaqqa yapaykuspañan willanman. Chhaynaqa sichus mana yachanchischu pipunichus chayta niran chayqa, manan jujkunaman willananchischu. Iñiq t’aqapi umalliqkunaqa cheqaqllatan imatapas willananku, chaymi imamantapas mana allinta yachashaspaqa mana rimanankuchu.

• ¿Jujkunatachu mana allinpaq qhawarichinqa? Chhayna kaqtinqa, manan willananchischu (Prov. 18:8; Filip. 4:8).

• ¿Cheqaqtapunichu nishan? Pipas imamantapas yapaykuspa willawasunman chayqa, manan jujkunaman willananchischu.

AMA JUJKUNAMANTA MANA ALLINTA RIMASUNCHU VIDEOTA QHAWASPA KAY TAPUYKUNATA KUTICHIY:

• 

  Proverbios 12:18 nisqanman jina, ¿may tukuytan rimasqanchiswan jujkunata k’irisunman?

• 

  ¿Imaynatan Filipenses 2:4 textopi nisqan yanapawasunman jujkunamanta ama comunta rimananchispaq?

• 

  ¿Imatan ruwananchis pipas jujkunamanta mana allinta rimaqtin otaq burlakuqtin?

• 

  Manaraq pimantapas willashaspa, ¿imakunatan tapukunanchis?