Kallpachakuy Jehová Diosta servinaykipaq

Bibliata estudiaqkunaqa munashankichischá bautizakuyta. Ichaqa, ¿yachankichu imarayku bautizakunayki kasqanta? Bautizakuspaqa Jehová Dioswanmi amigontin kapunki, chaymantapas chaywanmi salvakunki (Sal. 91:1; 1 Ped. 3:21). Chhaynaqa, ¿imakunatan ruwanayki Diosman prometekuspa bautizakunaykipaq?

Diospa siminta allinta estudiaspan entiendenayki (Rom. 12:2). Chaymantapas saqepunaykin mana allin ruwaykunata, chaytaqa ruwanayki Jehová Diosta munakusqaykiraykun (Prov. 27:11; Efes. 4:23, 24). Chaymantapas Diospa yanapaynintan mañakunayki, payqa santo espiritunwanmi kallpachasunki (1 Ped. 5:10, 11). Jehová Diosta serviy jinaqa manan imapas kanchu, chaymi chayta ruwanaykipaq kallpachakunayki (Sal. 16:11).

BAUTIZAKUYQA ANCHA ALLINPUNIN CHAY VIDEOTA QHAWASPA KAY TAPUYKUNAMAN KUTICHIY:

• ¿Wakin hermanokuna ima sasachakuykunatan atipananku karan bautizakunankupaq?

• ¿Imakunatan ruwanayki allin iñiyniyoq kanaykipaq chhaynapi bautizakunaykipaq?

• ¿Imakuna ruwasqankun hermanokunata yanaparan bautizakunankupaq?

• ¿Imaynatan Jehová Dios bendeciran payta servinankupaq bautizakuqkunata?

• ¿Diosman prometekuspa bautizakuqkuna imaynatan kausananchis?