Yachachisqaykita yanapay mana allin runakunawan ama juñukunanpaq

Yachachisqanchiskuna Jehová Diospa amigon kayta munanku chayqa, allintan amigonkunata ajllakunanku (Sal. 15:1, 4). Allin amigokunaqa yanapankun allinkunata ruwanankupaq (Prov. 13:20; lff 48 yachachikuy).

Sichus yachachisqayki runa Diosta mana serviq runakunawan juñukushan chayqa, sumaqllatan yanapanayki chay amigokunata saqepunanpaq. Paypaqqa sasapunichá kanqa chay amigokunata saqeyqa. Chaymi mana yachachisqayki p’unchaykunallachu paywanqa rimanayki, aswanpas juj p’unchaykunapas celularpin wajariwaq, mensajetapas aparichiwaq otaq juj ratolla wasinta riwaq parlarinaykichispaq. Jinaspapas juj iñiqmasikunatan reqsichiwaq paywan amigontin kanankupaq. Chhaynapin reparanqa Diospa llaqtanpiqa allin amigokunata tarisqanta (Mar. 10:29, 30). Qanpas kusikunkin Jehová Diospa llaqtan wiñashasqanta rikuspaqa.

YACHACHISQANCHISKUNATA YANAPASUN MANA ALLIN KAUSAQ RUNAKUNAWAN AMA JUÑUKUNANKUPAQ NISQA VIDEOTA QHAWASPA, KAY TAPUYKUNATA KUTICHIY:

• ¿Pikunan kanku mana allin runakuna? (1 Cor. 15:33.)

• ¿Hermanokunaq imayna kusirikunankupaqmi Coral piensaran?

• ¿Imaynatan Rita Coralta yanaparan iñiqmasikunawan amigontin kananpaq?