DIOSPAQ JINA KAUSASUN
Jehová Dios jina munakuq kasun
Jehová Diospa munakuq kasqanqa mana tukukuqmi (Sal. 103:11). Paypa munakuyninqa manan juj tiempollapaqchu, nitaq jawa sonqollachu. Aswanpas cheqaqtapunin serviqninkunata munakun. Jehová Diosqa imaymanata ruwaspan Israel runakunaman munakusqanta rikuchirqan. Egiptomantan paykunata orqomurqan, jinaspan prometesqan jallp’aman pusarqan (Sal. 105:42-44). Llaqtanraykun maqanakurqan, sapa kutillataqmi juchallikusqankuta perdonarqan (Sal. 107:19, 20). Jehová Diospa “mana tukukuq munakuyninta” allinta reparasun chayqa, kallpachakusunmi pay jina kananchispaq (Sal. 107:43).
JEHOVÁ DIOSPA MANA TUKUKUQ MUNAKUYNINMANTA YACHASUN NISQA VIDEOTA QHAWASPA, KAY TAPUYKUNATA KUTICHIY:
¿Imakunata ruwaspan munakuq kasqanchista rikuchisunman?
¿Imanaqtinmi mayninpi munakuq kananchispaq kallpachakunanchis?