DIOSPAQ JINA KAUSASUN

Diospi mana iñiq runakunata yanapasun Jehová Diosta reqsinankupaq

¿Jayk’aqllapas nirqankichu: “Kay runaqa manan Diospi iñinchu chhaynaqa Diosmanta willaqtiyqa manan uyariwanmanchu”, nispa? Chhayna kaqtinqa, yuyarinaykin imaynas kunanqa Diospi mana iñiq runakunapas Jehová Diospa testigonkuna kapunku chayta. Paykunaqa jujkunaq yanapayninwanmi Diospi iñirqanku (Rom. 1:20; 10:14).

MANA IÑIQKUNAQA CAMBIANKUMANMI: YACHASUN DIOSTA MANA MASKHAQ RUNAKUNAMANTA NISQA VIDEOTA QHAWASPA, KAY TAPUYTA KUTICHIY:

¿Imata ruwananchispaqmi kallpachawanchis Tommaso hermanonchispa willakusqan?

Kutichiy:

¿Imaynatan yanapawaq?

Diosmanta willashaspa Diospi mana iñiq runawan tupaspaqa sumaqllata rimapayay, tukuy yuyaywan uyariy imachus piensasqanta (2 Tim. 2:24). Imakunamantachus uyariyta munanman chaykunamanta rimapayay. Sichus imaraykuchus Diospi iñinchis chaymanta astawan uyarikuyta munan chayqa, chaykunamanta rimaq qelqanchiskunawan videokunawan ima yanapachikuy. ¿Es la vida obra de un Creador? Chaymantapas, El origen de la vida. Cinco cuestiones dignas de análisis nisqa folletokunataqa “Yachachinapaq ajllasqa qelqakuna” nisqamanmi churakurqan, chhaynapi chay folletokunata facil-llata tarinaykipaq.

Yaqapaschá manchakushanki Diospi mana iñiq runawan rimayta. Chhayna kaqtinqa, Diosmanta willaypi allin experienciayoq hermanowan yanapachikuy. Wakin runakunaña Diospi mana iñinkuchu chaypas, Jehová Diosmi yanapasunki wiñay kausayman apaq ñanninta llapa puriy munaqkunaq sonqonman chayanaykipaq (Hech. 13:48).