Allin kaqta ruway: Chaypin llapanchis piensananchis

¿Imaynatan mana reqsisqayki llaqtaman chayawaq?

1. 1. ¿Piensasqaykiman jinachu riwaq?

2. 2. ¿Jujkunatachu qatikuwaq?

3. 3. ¿Juj mapatachu qhawawaq, chay llaqtata reqsiq amigoykitachu tapukuwaq?

Iskaynin ñaupaq kaqkunata ajllakunki chayqa manan riyta munasqaykimanqa chayankichu. Kinsa kaqta ajllakunki chayqa chayankipunin.

Chhaynan vidanchispas, juj viaje jina. Kusisqa kausaymanmi chayayta munanchis, chaymi kunan allinta ajllakunanchis. Chaypaqqa allin yuyaychaykunatan necesitanchis.

Wakin ruwasqanchiskunaqa manan importantechu, wakinmi ichaqa vidanchista cambianman chaymi chaykunataqa allinta ajllakunanchis. Chaypin reparakunqa imakunatas allinpaq otaq mana allinpaq qhawarinchis chayqa. Imayna ajllakusqanchismantan kanqa noqanchispas familianchispas kusisqachus kausasun manachus chayqa. Wakinmanta yachasun:

• Warmi-qhari puñuymanta casarakuymantawan.

• Honrado kaymanta, llank’anamanta, qolqemantawan.

• Wawakuna uywaymanta.

• Jujkunawan imayna kausaymanta.

¿Imaynatan chaykunata allin yuyaywan ajllakuwaq qanpas familiaykipas kusisqa kausanaykichispaq?

¿Maypin allin yuyaychaykunata tariwaq allinta imatapas ajllakunaykipaq?

Kay revistapin yachanki imaraykus Bibliaq consejonkunapi confiawaq, imaynapis chaykuna allinniykipaq kanman chaytapas.